ఈత నేర్చుకుంటున్న నాని, ‘అ’లో ఇంట్రెస్టింగ్ రోల్

సినిమాల ఎంపికలో వైవిధ్యం చూపే హీరో నాని ఇటీవలే ఎంసీఏ చిత్రంతో మిడిల్ క్లాస్ అబ్బాయిగా మన ముందుకొచ్చాడు. ప్ర‌స్తుతం ఈ యంగ్ హీరో వాల్ పోస్ట‌ర్ బ్యాన‌ర్‌పై ‘అ’ అనే చిత్రాన్ని రూపొందిస్తున్నాడు. ప్ర‌శాంత్ వ‌ర్మ‌ దర్శకత్వం వహిస్తోన్న ఈ సినిమా కథ నచ్చడంతో ఈ చిత్రాన్నే తానే నిర్మిస్తున్నానని నాని గతంలోనే చెప్పాడు. తొమ్మిది పాత్ర‌ల చుట్టూ తిరిగే ఈ చిత్రంలో నిత్యామేనన్‌, కాజల్‌, శ్రీనివాస్‌ అవసరాల, రెజీనా, ప్రియదర్శి, ఈషా రెబ్బ, మురళీశర్మ, రోహిణి, దేవదర్శిని, సుకుమారన్‌ తదితరులు కీలక పాత్రలు పోషిస్తున్నారు.

కొద్ది రోజుల నుంచి ఒక్కో పాత్ర‌కి సంబంధించి పోస్టర్లను నాని విడుదల చేస్తున్నాడు. పోస్టర్ల ద్వారా సినిమాపై అంచనాలు పెంచేస్తోన్న నాని.. తాజాగా త‌న పాత్ర‌కి సంబంధించిన లుక్ విడుద‌ల చేశాడు. గతంలో రాజమౌళి సినిమాలో ‘ఈగ‌’గా క‌నిపించిన నాని, అ సినిమాలో చేప‌గా క‌నిపించ‌నున్నాడ‌ని తెలుస్తోంది. చేప‌ పాత్రకు నాని వాయిస్ ఓవ‌ర్ ఇస్తున్నాడు. చేప ఫోటోని షేర్ చేస్తూ .. ‘నా తర్వాతి చిత్రంలో ఓ ఇంట్రెస్టింగ్ రోల్ పోషిస్తున్నా. స్క్రిప్ట్‌ డిమాండ్‌ చేయటంతో ఈత నేర్చుకుంటున్నా’ అని నాని ట్వీట్‌ చేశాడు. ఈ సినిమా ఫిబ్ర‌వ‌రిలో విడుదల కానుంది.

Playing an interesting role in my next .. been learning swimming coz the script demands ;))#AWE https://t.co/VDmOAuUPHK — Nani (@NameisNani) December 23, 2017