'నేను లోకల్' యూఎస్ ప్రీమియర్స్‌కి నాని!

అమెరికాలో 'నేను లోకల్' ప్రివ్యూలు ఎంజాయ్ చేయనున్నాడు న్యాచురల్ స్టార్ నాని. నాని నటించిన లేటెస్ట్ మూవీ నేను లోకల్ ఈ ఫిబ్రవరి 3న.. అంటే రేపే రిలీజ్ కానుందన్నమాట. అయితే, అమెరికాలో మాత్రం ఫిబ్రవరి 2నే ప్రీమియర్ షోలు రన్ కానున్నాయి. తన తర్వాతి చిత్రం షూటింగ్ కోసం జనవరి 31నే ఇక్కడి నుంచి బయల్దేరి వెళ్లిన నాని అక్కడ పిబ్రవరి 2 నుంచి షూటింగ్‌లో పాల్గొంటున్నాడు. పనిలోపనిగా గురువారం రాత్రి 8 గంటలకి బెర్రా ఏరియాలోని సెర్రా థియేటర్‌లో ప్రీమియర్ షోలు ఎంజాయ్ చేయనున్నాడు నాని.

నిర్మాతలకి రిటర్న్స్ గ్యారంటీ, ఆడియెన్స్‌కి ఎంటర్‌టైన్‌మెంట్ గ్యారంటీ హీరోగా పేరున్న నానికి ఈ సినిమా ఎటువంటి ఫలితాన్నిస్తుందో తెలియాలంటే ఇంకొద్ది గంటలు వెయిట్ చేయకతప్పదు. నాని సరసన కీర్తి సురేష్ జంటగా నటించిన ఈ చిత్రాన్ని త్రినాథ రావు డైరెక్ట్ చేశారు.