ఎంసీఏ పూర్తయ్యాకా నాని ఏం చేయనున్నాడో తెలుసా ?

జులై 7న 'నిన్ను కోరి' సినిమాతో ఆడియెన్స్ ముందుకు రావడానికి రెడీ అవుతున్న నాని ప్రస్తుతం ఎంసీఏ చేస్తున్నాడు. ఎంసీఏ అంటూ అదేదో మాస్టర్స్ డిగ్రీ అనుకోకండి.. అది దిల్ రాజు ప్రొడక్షన్స్‌లో నాని చేస్తున్న కొత్త సినిమా టైటిల్. ఈ ఎంసీఏ సినిమా కూడా పూర్తి కాగానే మరో యంగ్ డైరెక్టర్‌తో సినిమా చేయనున్నాడట నాని. వెంకటాద్రి ఎక్స్‌ప్రెస్ సినిమాతో దర్శకుడిగా పరిచయమై ఆ తర్వాత ఎక్స్‌ప్రెస్ రాజా సినిమాతో రెండు హిట్స్ అందుకున్న మేర్లపాక గాంధీ ముచ్చటగా మూడోసారి కూడా హిట్ అందుకునేందుకు నానిని డైరెక్ట్ చేయబోతున్నట్టు తెలుస్తోంది.

మేర్లపాక గాంధీ-నాని కాంబినేషన్‌లో రాబోయే సినిమా ఏంటి ? నేపథ్యం ఏంటి ? నిర్మాత ఎవరు ? ఇతర నటీనటులు ఎవరనే విషయాలన్నీ త్వరలోనే అధికారికంగా ప్రకటిస్తారని సమాచారం. జులైలో ఈ సినిమా సెట్స్‌పైకి వెళ్లనుందని టాక్. ఈ సినిమాతో మేర్లపాక హిట్ కొట్టగలిగితే అది అతడికి హ్యాట్రిక్ హిట్ అవుతుంది.