‘బాలకృష్ణుడు’ సెన్సార్ రిపోర్ట్..

రొటీన్ కథలకు భిన్నంగా వైవిధ్యభరిత కథలను ఎన్నుకుంటూ తెలుగు హీరోల్లో తనకంటూ ఓ ప్రత్యేక స్థానాన్ని సంపాదించాడు నారావారబ్బాయి రోహిత్. తాజాగా ఈ హీరో గ్లామర్ బ్యూటీ రెజీనాతో జతకట్టి 'బాలకృష్ణుడు' అనే క్యాచీ టైటిల్‌తో ఈ శుక్రవారం ప్రేక్షకుల ముందుకొస్తున్నాడు. ఫస్ట్‌లుక్, ట్రైలర్‌లతో మూవీపై అంచనాలు పెంచేసిన 'బాలకృష్ణుడు' విడుదలకు రెడీ కావడంతో ఇటీవల సెన్సార్ కార్యక్రమాలను పూర్తి చేసింది.

2.22 గంటల నిడివి ఉన్న ఈమూవీకి సెన్సార్ బోర్డ్ యు/ఏ సర్టిఫికేట్‌ను జారీ చేసింది. మాయాబజార్ పిక్చర్స్‌లో బి.మహేంద్రబాబు, ముసునూరు వంశీ, శ్రీ వినోద్ నందమూరిలు నిర్మాతలుగా వ్యవహరిస్తుండగా.. రమ్యకృష్ణ ఈ మూవీలో కీలకపాత్రలో నటిస్తున్నారు. యాక్షన్ ఎంటర్టైనర్‌గా తెరకెక్కుతున్న ఈ మూవీకి మెలోడి మాంత్రికుడు మణిశర్మ సంగీతాన్ని అందిస్తుండగా.. నవంబర్ 24న 'బాలకృష్ణుడు' థియేటర్స్‌లో సందడి చేయనున్నాడు.