వెంకటేష్‌కు తమ్ముడిగా ఆ హీరో!

యువహీరోలతో కలిసి నటించడంలో ముందుంటాడు విక్టరీ వెంకటేష్. మల్టీస్టారర్లలో కూడా నటించిన ఘనత ఉంది ఈ హీరోకి. ఈ నేపథ్యంలో ఇప్పుడు వెంకటేష్ హీరోగా నటిస్తున్న సినిమాలో మరో హీరో నటించబోతున్నట్టుగా తెలుస్తోంది. తేజ దర్శకత్వం లో వెంకీ హీరో ‘ఆటా నాదే వేటా నాదే’ అనే సినిమా రూపొందనున్న సంగతి తెలిసిందే. ఈ సినిమాలో వెంకీ తో పాటు నారా రోహిత్ కూడా నటించబోతున్నట్టుగా వార్తలు వస్తున్నాయిప్పుడు.

‘నేనే రాజు నేనే మంత్రి’ సినిమా తర్వాత మంచి ఊపు మీద ఉన్నాడు తేజ. ఈ నేపథ్యంలో వెంకీతో సినిమాకు రూపకల్పన చేస్తున్నాడు. ఇందులో నారా రోహిత్ నటించబోతున్నాడని.. అతడిది వెంకీకి తమ్ముడి పాత్ర అని వార్తలు వస్తున్నాయి.

ఈ సినిమాలో వెంకటేష్ మిడిల్ ఏజ్డ్ పాత్రలో కనిపించబోతున్నాడని, లీడ్ రోల్ ఆయనదేనని తెలుస్తోంది. వెంకీకి తమ్ముడి పాత్రలో రోహిత్ కనిపిస్తాడట. అయితే ఇందుకు సంబంధించి ఇంకా అధికారిక ధ్రువీకరణ లేదు. సోలో హీరోగా వివిధ సినిమాలతో లక్ ను పరీక్షించుకుంటున్న రోహిత్ సరైన హిట్ ను పొందలేకపోతున్నాడీమధ్య.