‘నర్తనశాల’విడుదలకు ముందే డబ్బులొచ్చేశాయ్!

ఈ మధ్య కాలంలో కొన్ని సినిమాలు సేఫ్ జోన్లోకి రావడానికి విడుదలకు ముందే అవకాశం ఏర్పడుతోంది. అలాంటి సినిమాల జాబితాలో ‘నర్తనశాల’ కూడా నిలుస్తోంది. ఈ సినిమా ఈ వారాంతంలోనే విడుదల కానుంది. ఈ నేపథ్యంలో దీని ప్రీ రిలీజ్ మార్కెట్‌ గురించి ఆసక్తిదాయకమైన వార్తలు వస్తున్నాయి. దీని మేకింగ్ ఖర్చులను ఈ సినిమా ఇప్పటికే రాబట్టుకుంటుందని టాక్ వినిపిస్తోంది.

ఈ సినిమాను హీరో నాగశౌర్య హోం ప్రొడక్షన్లోనే రూపొందించాడు. అతడి రెమ్యూనరేషన్‌ను లెక్కేసినా ఇది దాదాపు 11 కోట్ల రూపాయల బడ్జెట్‌తో రూపొందిందట. ప్రీ రిలీజ్ మార్కెట్ రేట్లను, దీని శాటిలైట్, డబ్బింగ్, డిజిటల్ రైట్స్ మొత్తాలను కలుపుకుంటే.. ఆ మొత్తం 13 కోట్ల రూపాయల వరకూ ఉందని ట్రేడ్ వర్గాలు చెబుతున్నాయి.

ఇలా చూస్తే దీని మేకర్లకు విడుదలకు ముందే రెండు కోట్ల రూపాయల లాభాలు దక్కాయి. అయితే డిస్ట్రిబ్యూటర్లు తమ పెట్టుబడులను రాబట్టుకోవాల్సి ఉంది. సినిమాకు పాజిటివ్ టాక్ వస్తే వాళ్లకు సొమ్ములు రావడం పెద్ద కష్టం కాదని ట్రేడ్ వర్గాలు అభిప్రాయపడుతున్నాయి.

ఈ సినిమాలో హీరో ‘గే’గా నటించాడని తెలుస్తోంది. ఇలాంటి కాన్సెప్ట్స్ కు ఫ్యామిలీ ఆడియన్స్ కొంచెం దూరం ఉండే అవకాశం ఉంది. యూత్ ఈ సినిమాను కొంత వరకూ ఆదుకోవచ్చు.