నగ్న చిత్రాలు తీసి బ్లాక్ మెయిల్ చేస్తాడు

నిర్మాతల మండలిలో సభ్యులుగా వున్న కొంతమంది నిర్మాతలకి గ్యాంగ్ స్టర్ నయీంతో సత్సంబంధాలుండేవని నిర్మాత నట్టి కుమార్ ఆరోపించడంపై నిర్మాతల మండలి మండిపడింది. ముఖ్యంగా నిర్మాత సి.కళ్యాణ్ కు నయీమ్ తో సంబంధాలు ఉన్నాయని ఆయన ఆరోపణలు చేయడంతో సి.కళ్యాణ్ శుక్రవారం పత్రికా ముఖంగా కొన్ని విషయాలను వెల్లడించారు. నట్టి కుమార్ పై తీవ్ర పదజాలంతో దూషించారు.
''నట్టికుమార్ లాంటి దృష్ట శక్తులను నివారించాల్సిన అవసరం ఎంతైనా ఉంది. అతనో పిచ్చి కుక్క.. ఏసుక్రీస్తు పేరు చెప్పుకుని డబ్బులు దండుకునేవాడు. ఇలాంటి ఆరోపణలు చేసే వారిపై కఠిన చర్యలు తీసుకుంటాం. గతంలో కూడా నట్టికుమార్ చేసిన పనులకు నిర్మాతల మండలి తరఫున వార్నింగ్స్ కూడా ఇచ్చాం. నట్టి కుమార్ హీరోయిన్లు, అమాయిల నగ్న చిత్రాలు తీసి బ్లాక్ మెయిల్ చేసే రకం. తన బతుకంతా బెదిరింపులే. నీలిచిత్రాలు తీసుకునే వాడికి తమని విమర్శించే స్థాయి లేదు. భాను కిరణ్ ను పెట్టి మేము బెదిరించామని కేసులు పెట్టాడు.కానీ ఆ కేసులపై మేమే గెలిచాం. నిజానికి నట్టికుమార్ ఆరోపణలు చేసిన సమయంలో నేను ఊర్లో లేను.. నా తప్పు లేకుండా నామీద అనవసరపు ఆరోపణలు చేస్తే ఎలా ఊరుకుంటాను. సినిమా ఇండస్ట్రీపై నయీమ్ చూపు లేదు. ఇలాంటి ఆరోపణలు చేసినందుకు నట్టికుమార్ పై ప్రొడ్యూసర్స్ కౌన్సిల్ ఓ నిర్ణయం తీసుకోవడం జరిగింది. దానికి ఆయన క్లారిఫికేషన్ ఇవ్వాలి. ముఖ్యమంత్రిని, సిటీ కమీషనర్ ను కలవబోతున్నాం. విచారణలో నా తప్పు ఉందని తెలిస్తే శిక్షకు సిద్ధంగా ఉన్నాను. అలా కాకుండా నట్టికుమార్ తప్పు చేశాడని ఆధారాలు దొరికితే ఆయనపై కఠిన చర్యలు తీసుకోవాలి. ఆధారాలు లేని ఎడల అబద్ధాలు చెబుతూ.. పబ్లిక్ ను, మీడియాను తప్పు దోవ పట్టిస్తున్నట్లుగా కేసు నమోదు చేస్తాం. నిర్మాతల మండలిలో అవకతవకలు జరిగాయని ఆరోపించారు. ఆ మాట వాస్తవం. జానకిరామ్ అనే అకౌంటెంట్ డబ్బును మిస్ యూజ్ చేశారు. ఆయనకు కొంతమంది సహకరించారు. గతంలో ఇలాంటి సంఘటనలు చోటు చేసుకున్నప్పుడు మేము మనీ రికవర్ చేశాం. ఇప్పుడు కూడా అలానే చేయడానికి ప్రయత్నిస్తున్నాం'' అంటూ కళ్యాణ్ తీవ్రంగా మండిపడ్డారు..