నిర్మాతగా నాని.. దర్శకుడు ఎవరంటే?

సక్సెస్ మీద సక్సెస్‌లను అందుకుంటూ బాక్సాఫీస్ వద్ద తిరుగులేని హీరోగా తన సత్తా చాటుతున్నాడు యంగ్ హీరో నాని. అతడితో సినిమాలు చేయడానికి చాలా మంది దర్శకనిర్మాతలు ఆసక్తి చూపుతున్నారు. హీరోగానే కాకుండా నాని నిర్మాతగా మారి 'డీ ఫర్ దోపిడీ' అనే చిత్రాన్ని నిర్మించారు. అయితే ఆ సినిమా అనుకున్న ఫలితాన్ని రాబట్టలేకపోవడంతో ఇక నిర్మాతగా సినిమాలు చేయడానికి ఆసక్తి చూపలేదు.

అయితే తాజా సమాచారం ప్రకారం ఆయన మరోసారి నిర్మాతగా మారి సినిమా చేయబోతున్నాడని తెలుస్తోంది. నూతన దర్శకుడు ప్రశాంత్ వర్మ వినిపించిన కథ నచ్చడంతో ఆ సినిమాను నిర్మించడానికి సిద్ధమవుతున్నాడు నాని. ఈ కథకు అవసరమైన నటీనటులతో కూడా నానినే మాట్లాడుతున్నట్లు సమాచారం. అయితే దీనిపై కొన్నిరోజుల్లో అధికారిక ప్రకటన వచ్చే అవకాశం ఉంది. ప్రస్తుతం నాని హీరోగా 'ఎంసిఏ' సినిమా రూపొందుతోంది. అలానే మేర్లపాక గాంధీ, హను రాఘవపూడి వంటి దర్శకులతో కలిసి పని చేయడానికి గ్రీన్ సిగ్నల్ ఇచ్చాడు నాని.