‘నవాబ్’ దర్శకుడు మణిరత్నంకు బెదిరింపులు

‘నవాబ్’ సినిమాతో మరోసారి తన ప్రేక్షకులను ఆకట్టుకున్న ప్రముఖ దర్శకుడు మణరత్నంకు బెదిరింపులు వస్తున్నాయి. ‘నవాబ్’ సినిమాలోని కొన్ని సన్నివేశాలను తొలగించనట్లయితే ఆయన ఇంటిని బాంబులతో పేల్చేస్తానని ఓ గుర్తుతెలియని వ్యక్తి మణిరత్నం ఆఫీసుకు ఫోన్‌చేసి బెదిరించాడు. దీంతో మణిరత్నం పోలీసులకు ఫిర్యాదు చేశారు.

కేసు నమోదు చేసుకున్న చెన్నైలోని అభిరామపురం పోలీసులు అల్వర్‌పేటలో గల మణిరత్నం ఇంటిని బాంబ్ స్క్వాడ్‌తో తనిఖీలు చేయించారు. ఇంటి లోపల బయట సోదాలు చేశారు. అనంతరం మణిరత్నం ఆఫీసులో కూడా సోదాలు చేశారు. ఎలాంటి పేలుడు పదార్థాలు లభించకపోవడంతో అంతా ఊపిరి పీల్చుకున్నారు.

మణిరత్నం ఆఫీసుకు వచ్చిన ఫోన్ కాల్ ఎక్కడ నుంచి వచ్చింది? ఎవరు చేశారానే విషయంపై పోలీసులు ఆరా తీస్తున్నారు.శింబు, విజయ్ సేతుపతి, జ్యోతిక, ప్రకాష్ రాజ్, అరవింద్ స్వామి జయసుధ ప్రధాన తారాగణంగా తమిళంలో ‘చిక్కా చివంత వానం’గా తెరకెక్కిన ఈ సినిమా తెలుగులో ‘నవాబ్’గా విడుదలైంది.