ట్రెండింగ్: సహజీవనం చేస్తున్న నయన్.. ప్రియుడితో పెళ్లికి రెడీ!

గత నాలుగేళ్లుగా సక్సెస్‌ఫుల్ లవ్ జర్నీ కొనసాగిస్తున్న కోలీవుడ్ రొమాంటిక్ ప్రేమ జంట నయనతార, విఘ్నేష్ శివన్‌లు త్వరలో పెళ్లి పీటలు ఎక్కేందుకు రెడీ అవుతున్నారంటున్నారు కోలీవుడ్ వర్గాలు. గత కొన్నాళ్లుగా సహజీవనం చేస్తున్న ఈ ప్రేమజంట.. పెళ్లితో తమ బంధాన్ని మరింత బలపరుచుకునేందుకు ఎంగేజ్‌మెంట్ ప్లాన్‌లో ఉన్నారట. ఈ ఏడాది సాంప్రదాయబద్ధంగా రింగ్‌లు మార్చుకుని.. 2020లో పెళ్లికి ప్లాన్ చేసుకున్నారట. ప్రస్తుతం వీరి పెళ్లి వార్త తమిళ మీడియాలో హాట్‌ టాపిక్‌గా మారింది.

శింబు, ప్రభుదేవాలతో బ్రేకప్ తరువాత నయన్.. తమిళ స్టార్ దర్శకుడు విఘ్నేష్ శివన్‌తో ప్రేమాయణం సాగిస్తుంది. 2015లో వచ్చిన ‘నానుమ్ రౌడీ ధాన్’ చిత్రంతో వీరిద్దరి మధ్య ప్రేమకు బీజం పడింది. గత మూడేళ్లుగా ఈ లవ్ జర్నీని కొనసాగిస్తూ.. రిలేషన్‌షిప్స్ విషయంలో దాపరికాలు లేకుండా వెకేషన్‌ని ఎంజాయ్ చేస్తోంది ఈ ప్రేమజంట. త్వరలో పెళ్లి పీటలు ఎక్కుబోతున్నారంటూ గత నాలుగేళ్లుగా వార్తలు వస్తున్నా.. ఇప్పటి వరకూ హాలిడే వెకేషన్స్, పార్టీలు, షికార్లకే పరిమితమైన ఈ ప్రేమజంట ఆఫీషియల్‌గా కొత్తకాపురం పెట్టేందుకు రెడీ అయ్యారన్నమాట.