నయన్ వీడియో సాంగ్.. నవ్వులతో యూట్యూబ్ రికార్డులు బ్రేక్

నయనతార నటించిన ఓ తమిళ సినిమాలోని వీడియో సాంగ్ యూట్యూబ్‌లో రికార్డులు బ్రేక్ చేస్తోంది. ‘కొలమావు కోకిల మూవీ’ నుంచి ‘కల్యాణ వయసు’ పేరిట విడుదల చేసిన రెండో పాట నెటిజన్లను తెగ నవ్విస్తోంది. యోగి బాబు, నయనతార కనిపించే ఈ పాటను గురువారం లాంచ్ చేశారు. నాకెన్నో పెళ్లి సంబంధాలొస్తున్నాయి. కానీ నాకు కాబోయే భార్య నువ్వేనంటూ.. నయన్‌ను ఉద్దేశించి యోగిబాబు పండించిన కామెడీ, అతడి బాడీ లాంగ్వేజ్, ఎక్స్‌ప్రెషన్లు చూసిన వారు నవ్వు ఆపుకోలేరంటే అతిశయోక్తి కాదు.

యువ మ్యూజిక్ డైరెక్టర్ అనిరుధ్ రవిచందర్ సంగీతం అందించిన ఈ పాట 24 గంటల్లోనే పది లక్షల వ్యూస్ సాధించింది. ప్రస్తుతం 1.6 మిలియన్లకుపైగా వ్యూస్‌తో యూట్యూబ్‌లో ట్రెండ్ అవుతోంది.

కొలమావు కోకిల సినిమాతో నెల్సన్ దర్శకుడిగా పరిచయం అవుతున్నారు. లైకా ప్రొడక్షన్స్ ఈ మూవీని నిర్మిస్తోంది. నెల్సన్ ఇప్పటి వరకూ అనేక రియాల్టీ షోలు, టీవీప్రోగ్రాంలకు దర్శకత్వం వహించారు. స్మగ్లింగ్ నేపథ్యంలో ఈ మూవీ తెరకెక్కుతోంది.