అతడికి వయసులో పెద్దవాళ్లైన స్త్రీలపై మోజు!

నటి ప్రియాంక చోప్రా ప్రియుడిగా ఇండియాలో కూడా నిక్ జోనస్‌కు గుర్తింపు దక్కుతోంది. హాలీవుడ్‌లో అవకాశాలను సంపాదించుకుని అమెరికా వెళ్లిన ప్రియాంక అక్కడ నిక్‌తో ప్రేమాయణాన్ని నెరుపుతోంది. వీళ్లకు ఇప్పటికే నిశ్చితార్థం జరిగినట్టుగా వార్తలు వస్తున్నాయి. ఈ ప్రేమకథలో ఇండియన్స్‌ను బాగా ఆశ్చర్యానికి గురి చేస్తున్న అంశం ఏమిటంటే.. ప్రియాంక కన్నా నిక్ జోనస్ చాలా చిన్నవాడు కావడం. ఆమె కన్నా అతడు దాదాపు పదేళ్లు చిన్నవాడు.

దీంతో వీరి ప్రేమ ఆశ్చర్యపరుస్తోంది. అయితే మనకైతే ఆశ్చర్యం కానీ.. నిక్ జోనస్‌కు మాత్రం ఇలాంటివి కొత్తవేం కాదట. గతంలో కూడా ఇతడు తనకన్నా వయసులో పెద్ద వాళ్లైన మగువలతో ప్రేమాయణాలను నెరిపాడట. ఈ విషయాన్నే ఒక అమెరికన్ మ్యాగజైన్ పేర్కొంది. నిక్ జోనస్ ఇది వరకూ డేటింగ్ చేసిన మగువలు కూడా అతడి కన్నా చాలా పెద్దవాళ్లేనట.

కేట్ హడ్సన్, డెల్టా గూడ్రెమ్ అనే ఇద్దరితో ఇది వరకూ ప్రేమ వ్యవహారాలను సాగించాడు నిక్. వీరిలో నిక్ కన్నా కేట్ 13 సంవత్సరాలు పెద్దది. నిక్ కన్నా డెల్టా ఎనిమిది సంవత్సరాలు పెద్దది. ఇప్పుడు ప్రియంక ఏమో నిక్ కన్నా దాదాపు పదేళ్లు పెద్దది. ఈ విధంగా నిక్ ప్రియురాళ్లంతా అతడి కన్నా చాలా చాలా సీనియర్లే. ఇదంతా చూస్తుంటే నిక్‌కు తన కన్నా వయసులో పెద్ద వాళ్లైన మగువలు అంటే మోజులాగుందని, అలాంటి వారినే కోరి ఎంపిక చేసుకుని ప్రేమాయణాలను నెరుపుతున్నాడని ఆ మ్యాగజైన్ పేర్కొంది.