అచ్చమైన తెలుగు ముద్దపప్పు ఆవకాయ్, మెగా డాటర్ నిహారిక ఇటీవలే 'ఒక మనసు' చిత్రంతో తెలుగు సినీ రంగ ప్రవేశం చేసింది. అంతకుముందు టీవీ యాంకర్ గా పలు షోలు చేసింది. నిహా నటించిన 'ముద్దపప్పు ఆవకాయ్' అనే వెబ్ సిరీస్ యూట్యూబ్ లో సూపర్ హిట్ అయ్యింది. యూత్ లో నీహా అంటే విపరీతమైన క్రేజ్ పెరిగింది. అయితే ఇదే కోణంలో మరో వెబ్ సిరీస్ లో నటించడానికి రెడీ అయిపోతుంది. 'ముద్దపప్పు ఆవకాయ్'ను డైరెక్ట్ చేసిన ప్రణీత్ ఈ వెబ్ సిరీస్ కు కూడా దర్శకత్వం వహించనున్నారు. అయితే ఇందులో స్పెషాలిటీ ఏంటంటే.. నీహారిక తండ్రి నాగబాబు కూడా నటించనున్నాడట. ఈ కాన్సెప్ట్ తండ్రీ కూతుళ్ల మధ్య జరిగే డ్రామా అని తెలుస్తోంది. నిహారిక రియల్ లైఫ్ ఫాదర్, రీల్ లైఫ్ లో కూడా ఫాదర్ గానే నటిస్తుండటం ఆసక్తి రేపుతోంది.. కూతురు కోసం నాగబాబు ఓకే చెప్పినట్లు తెలుస్తోంది. మరి ఈ వెబ్ సిరీస్ లో తండ్రీకూతుళ్లు కలిసి ఎంత రుచికరమైన వంట వడ్డిస్తారో చూడాలి.
నిహారికా D/o నాగబాబు మరో వెబ్ సిరీస్
అచ్చమైన తెలుగు ముద్దపప్పు ఆవకాయ్, మెగా డాటర్ నిహారిక ఇటీవలే 'ఒక మనసు' చిత్రంతో తెలుగు సినీ రంగ ప్రవేశం చేసింది. నిహా నటించిన 'ముద్దపప్పు ఆవకాయ్' అనే వెబ్ సిరీస్ యూట్యూబ్ లో సూపర్ హిట్ అయ్యింది...
TNN 25 Aug 2016, 7:29 pm