‘నాన్నకూచి’ ట్రైలర్: నిహారిక కొత్త ప్రేమకథ

‘ఒక మనసు’ మూవీతో టాలీవుడ్‌లో హీరోయిన్‌గా ఎంట్రీ ఇచ్చిన మెగా హీరోయిన్, నాగబాబు కూతురు నిహారిక కొత్త వెబ్ సిరీస్‘నాన్నకూచి’తో ప్రేక్షకుల ముందుకు రాబోతోంది. తాజాగా ఈ వెబ్ సిరీస్‌కి సంబంధించిన ట్రైలర్‌ను విడుదల చేశారు. గతంలో ‘ముద్దపప్పు ఆవకాయ’ వెబ్ సిరీస్‌తో పాపులారిటీ సంపాదించిన నిహారిక ‘నాన్నకూచి’ద్వారా మరోసారి ప్రేక్షకులను ఆకట్టుకునేందుకు రెడీ అయ్యింది. ‘నాన్నకూచి’ వెబ్ సిరీస్‌తో నాగబాబు ‘ఆనంద్ రాజ్’ పాత్రలో నిహారికకు రీల్ లైఫ్‌లోనూ తండ్రి పాత్ర పోషించడం విశేషం కాగా.. ఈ సిరీస్‌కి నిహారికనే నిర్మాతగా వ్యవహరిస్తున్నారు. బి.ప్రణీత్ దర్శకత్వం వహిస్తున్నారు.


తాజా ట్రైలర్‌లో తండ్రి కూతుళ్ల మధ్య అనుబంధాన్ని ప్రతిబింబించేలా ఆనందరాజ్ (నాగేంద్రబాబు) తార (నిహారిక) పాత్రల చుట్టూ కథను అల్లాడు దర్శకుడు. అయితే ఈ కథలో నిహారికకు ఓ లవ్ స్టోరీ ఉంటే తండ్రి నాగబాబుకూ ఇంకో లవ్ స్టోరీ ఉండటం విశేషం. పింక్ ఎలిఫెంట్ పిక్చర్స్ పతాకంపై రూపొందుతున్న ఈ వెబ్ సిరీస్ త్వరలోనే ప్రేక్షకుల ముందుకు రానుంది. మరోవైపు నిహారిక.. సుమంత్ అశ్విన్‌కి జోడీగా 'హ్యాపీ వెడ్డింగ్' చిత్రంలో నటిస్తోంది.