నిహారిక రెండో సినిమా లాంచింగ్

నిహారిక కొనిదెల హీరోయిన్‌గా రెండో తెలుగు సినిమా లాంచ్ అయింది. ఒక మనసు సినిమాతో గతేడాది సినీరంగంలోకి అడుగుపెట్టిన నిహారిక ఆ తర్వాత రెండో తెలుగు సినిమా చేయడానికి చాలా గ్యాప్ తీసుకుంది. అయితే, ఈ మిడిల్ గ్యాప్‌లోనే తమిళంలో విజయ్ సేతుపతి సరసన ఓ సినిమాకు సైన్ చేసింది. తమిళంలో నిహారికకి అదే మొదటి సినిమా.

ఇక నిహారిక రెండో తెలుగు సినిమా విషయానికొస్తే, ఇవాళ ఆమె హీరోయిన్‌గా లాంచ్ అయిన సినిమాతో రవిదుర్గా ప్రసాద్ అనే ఓ కొత్త డైరెక్టర్ ఇండస్ట్రీకి పరిచయం అవుతున్నాడు. ఫిలింనగర్‌లోని దేవాలయంలో ఈ సినిమా లాంచ్ అయింది. బండారు బాబీ, మరిశెట్టి రాఘవయ్య నిర్మిస్తున్న ఈ సినిమాకు సంబంధించిన ఇతర నటీనటుల వివరాలు త్వరలోనే తెలియనున్నాయి.