18 Pages: అల్లు అరవింద్ మాస్టర్ ప్లాన్.. ‘కార్తికేయ 2’ సక్సెస్‌ను మార్కెట్ చేసుకునే పనిలో నిర్మాతలు

ఓ వస్తువును తయారు చేయటమే కాదు.. దాన్నెంత తెలివిగా బిజినెస్ చేసుకోవాలో తెలుసుండాలి. టాలీవుడ్‌లో అలాంటి బిజినెస్ స్ట్రాటజీలతో అగ్ర నిర్మాతగా ఎదిగిన వ్యక్తి అల్లు అరవింద్ (Allu Aravind). ఈ స్టార్ ప్రొడ్యూసర్ రీసెంట్‌గా కాంతార (Kantara) సక్సెస్‌తో తన మార్కెటింగ్ స్ట్రాటజీ ఏంటో ప్రూవ్ చేసుకున్నారు. ఇప్పుడు ఆయన మరో భారీ సక్సెస్‌ను సొంతం చేసుకునే దిశగా అడుగులు వేస్తున్నారు. అసలేంటా ప్లాన్? అనే వివరాల్లోకి వెళితే, నిఖిల్ (Nikhil Siddhartha) హీరోగా అనుపమ పరమేశ్వరన్ (Anupama Parameswaran) హీరోయిన్‌గా నటిస్తోన్న చిత్రం ‘18 పేజీస్’ (18 Pages). ఈ సినిమా డిసెంబర్ 23న రిలీజ్ కానుంది.

నిఖిల్ సినిమా రిలీజ్ డేట్ అనౌన్స్ చేస్తే తప్పేంటి అనే సందేహం రాక మానదు. కానీ అసలు విషయమేమంటే రీసెంట్‌గానే ఆయన హీరోగా నటించిన కార్తికేయ 2 (Karthikeya 2) సినిమా పాన్ ఇండియా రేంజ్‌లో సెన్సేషనల్ హిట్ అయ్యింది. ఈ సక్సెస్‌ అనేది నిఖిల్ నెక్ట్స్ మూవీస్‌పై ప్రభావం చూపిస్తుందనడంలో సందేహం లేదు. కాబట్టి అల్లు అరవింద్ నిర్మాణ సంస్థల్లో ఒకటైన గీతా ఆర్ట్స్ 2 నుంచి 18 పేజీస్ చిత్రాన్ని రిలీజ్‌కి సిద్ధం చేస్తున్నారు. ఎవరూ ఊహించని రీతిలో పావులు కదిపి ఈ చిత్రాన్ని జీఏ2 టీమ్ రెడీ చేస్తోంది. సినీ సర్కిల్స్‌లో మాత్రం అల్లు అరవిండ్ మార్కెటింగ్ స్ట్రాటజీ అద్భుతం అంటూ అప్రిషియేట్ చేస్తున్నారు మరి.

అల్లు అరవింద్ సమర్పణలో జీఏ 2 పిక్చర్స్, సుకుమార్ రైటింగ్స్ సంస్థలపై రూపొందుతోన్న 18 పేజీస్ చిత్రం కథను సుకుమార్ (Sukumar) అందించిన సంగతి తెలిసిందే. ఆయన శిష్యుడు పల్నాటి సూర్య ప్రతాప్ ఈ చిత్రాన్ని తెరకెక్కిస్తున్నారు. బన్నీ వాస్ నిర్మాత. ప్రస్తుతం ఈ సినిమా తుది దశకు చేరుకుంది. కొంచెం విరామం తర్వాత, నిఖిల్ 18 పేజీస్ సెట్‌కి తిరిగి వచ్చారు. మరియు 18 పేజీస్ చివరి షెడ్యూల్ ఇటీవల ప్రారంభమైంది, చిత్రీకరణ శరవేగంగా జరుగుతుంది. ప్రపంచ వ్యాప్తంగా ఈ సినిమాను డిసెంబర్ 23న విడుదల చేయడానికి సన్నాహాలు జరుగుతున్నాయి. ఎ.వసంత్ సినిమాటోగ్రఫీ అందిస్తోన్న ఈ చిత్రానికి గోపీ సుందర్ (Gopi Sundar) సంగీతాన్ని సమకూరుస్తున్నారు.