గౌరీ ఖాన్ స్టోర్‌లో షారుఖ్, అబ్రామ్, గౌరీలతో నీతా అంబాని

బాలీవుడ్ సెలబ్రిటీల ప్రపంచంలో షారుఖ్ ఖాన్ తనయుడు అబ్రామ్ ఖాన్ ఓ లిటిల్ స్టార్ అనే సంగతి అందరికీ తెలిసిందే. అబ్రామ్ ఖాన్ ఎక్కడికి వెళ్లినా, ఎప్పుడు మీడియా ముందుకు వచ్చినా.. తండ్రి షారుఖ్‌లాగే తనదైన స్టైల్లో చిరునవ్వులు చిందిస్తూ తనకంటూ అప్పుడే అభిమానులని సొంతం చేసుకున్నాడనడంలో ఎటువంటి సందేహం లేదు. అటువంటి అబ్రామ్ ఖాన్‌తో కలిసి తాజాగా కెమెరాకి ఫోజిచ్చింది ఎవరో తెలుసా ? భారత వ్యాపార సామ్రాజ్యానికి కింగ్ లాంటోడు అయిన ముఖేష్ అంబాని జీవిత భాగస్వామి నీతా అంబాని. అవును, షారుఖ్ ఖాన్ భార్య గౌరీ ఖాన్ సొంతంగా నిర్వహిస్తున్న డిజైనర్ స్టోర్‌ని సందర్శించిన నీతా అంబాని అక్కడే వున్న షారుఖ్, అబ్రామ్ ఖాన్‌తో కలిసి కెమెరాకు ఫోజిచ్చింది.

తమ స్టోర్‌ని సందర్శించిన నీతా అంబానికి షారుఖ్, గౌరీ, అబ్రామ్‌ల నుంచి సాదర స్వాగతం లభించింది. ఈ సందర్భంగా షారుఖ్ ఖాన్, గౌరీ ఖాన్ దంపతులతోపాటు లిటిల్ స్టార్ అబ్రామ్‌తో కలిసి కెమెరాకి ఫోజిచ్చింది నీతా అంబాని. సెలబ్రిటీలుగానే కాకుండా అంబానీ, షారుఖ్ కుటుంబాల మధ్య మంచి స్నేహం, సాన్నిహిత్యం వుంది. గతంలో ఒకరి ఆహ్వానం మేరకు మరొకరు వివిధ పార్టీలు, సెలబ్రేషన్స్ లో కలిసి సందడి చేసిన సందర్భాలూ వున్నాయి.