నితిన్ కొత్త సినిమా షూటింగ్ మొదలైంది

8 నెలల గ్యాప్ తర్వాత నితిన్ మరో కొత్త సినిమాకు శ్రీకారం చుట్టాడు. అందాల రాక్షసి, కృష్ణగాడి వీరప్రేమగాథ చిత్రాల ఫేమ్ హను రాఘవపూడి దర్శకత్వంలో ఇవాళ ప్రారంభమైన ఈ సినిమాను 14 రీల్స్ ఎంటర్‌టైన్‌మెంట్ బ్యానర్ నిర్మిస్తోంది. ఈ సినిమాకు 'LIE' అనే ఆసక్తికరమైన టైటిల్‌ని పెట్టారు. 'లవ్ ఈజ్ ఎండ్‌లెస్' అనేది ఈ టైటిల్ ట్యాగ్‌లైన్.

నితిన్ సరసన తమిళ యంగ్ హీరోయిన్ మెఘా ఆకాష్ జంటగా నటించనుంది. ప్రస్తుతం గౌతమ్ వాసుదేవ్ మీనన్ డైరెక్షన్‌లో ధనుష్ సరసన ఓ సినిమా చేస్తోందీ యంగ్ లేడి. అన్నట్టు సంక్రాంతికి స్టార్ట్ కానున్న అఖిల్ అక్కినేని కొత్త సినిమాలోనూ ఈమే హీరోయిన్ అనే సంగతి తెలిసిందే. స్క్రిప్ట్ ప్రకారం ఈ సినిమాలో అధిక భాగం అమెరికాలో షూటింగ్ జరుపుకోనుంది.