లైఫ్‌లో అమ్మాయిలు లేక బోర్ కొడుతోంది: సాయిధరమ్

హీరోలకు గర్ల్ ఫ్రెండ్ కావాలంటే ఎంతసేపు.. ఎవరైనా వాళ్లను యాక్సెప్ట్ చేస్తారని అంతా అనుకుంటారు. కానీ అలాంటి పరిస్థితి లేదని, తనకు అసలు ఒక్క అమ్మాయి కూడా పడడం లేదని మెగాహీరో సాయిధరమ్ తేజ్ చెబుతున్నాడు. ప్రస్తుతం అతడు నటించిన ‘జవాన్’ సినిమా విడుదలకు సిద్ధమవుతోంది. ఈ సందర్భంగా ప్రమోషన్స్‌లో పాల్గొన్న తేజు.. గర్ల్‌ఫ్రెండ్స్ విషయాలను చెప్పుకొచ్చాడు. ‘నా లైఫ్‌లో అమ్మాయిలు లేక చాలా బోర్ కొడుతుంది. నాకు గర్ల్ ఫ్రెండ్స్ లేరు. ప్రస్తుతం సింగిల్‌గానే ఉంటున్నా’ అని తేజు స్పష్టం చేశాడు.

అంతేకాదు.. తన కాలనీలో అమ్మాయిలు లేరని, అందరికీ పెళ్లిళ్లు అయిపోయాయని, అడిగిన వారేమో కాదంటున్నారని చెప్పుకొచ్చాడు ఈ మెగా మేనల్లుడు. గతంలో ఈ హీరో.. తనతో కలిసి పనిచేసిన ఒక హీరోయిన్‌తో ప్రేమాయణం సాగించాడని, పెళ్లి కూడా చేసుకునే ఛాన్స్ ఉందని వార్తలు వినిపించాయి. అలాంటిది తనకు ఇప్పుడు అసలు గర్ల్ ఫ్రెండ్ లేదని చెప్పడం చాలా మందికి ఆశ్చర్యాన్ని కలిగిస్తోంది. ఇక సినిమాల పరంగా తేజు కెరీర్ కాస్త ప్రమాదంలో ఉందనే చెప్పాలి. వరుసగా రెండు ఫ్లాపులు రావడంతో ‘జవాన్’‌పై తేజు ఎన్నో ఆశలు పెట్టుకున్నాడు. మరి డిసెంబర్ 1న విడుదలవుతున్న ఈ సినిమా ఎలాంటి ఫలితాన్ని ఇస్తుందో చూడాలి!