ఇది ‘అర్జున్ రెడ్డి’ కాదు.. 100% లవ్!

‘అర్జున్ రెడ్డి’ చిన్నది షాలినీ పాండే.. తమిళంలోనూ తన అదృష్టాన్ని పరీక్షించుకుంటోంది. తెలుగులో నాగచైతన్య, తమన్నా నటించిన ‘100% లవ్’ సినిమాను తమిళంలో ‘100% కాదల్’ పేరుతో రీమేక్ చేస్తున్న సంగతి తెలిసిందే. ఇందులో తమన్నా పాత్ర కోసం లావణ్య త్రిపాఠిని ఎంపిక చేసుకున్నారు. అయితే, ఆమె ఆ సినిమా వదులుకోవడంతో షాలినీ పాండేకు ఆ అవకాశం దక్కింది. చంద్రమౌళీ దర్శకత్వం వహిస్తున్న ఈ సినిమాలో నాగ చైతన్య పాత్రలో జీవీ ప్రకాష్ కనిపించనున్నాడు.

కొత్త సంవత్సరం సందర్భంగా చిత్ర యూనిట్ సినిమా పోస్టర్‌ను విడుదల చేశారు. ఇది దాదాపు ‘అర్జున్ రెడ్డి’ లిప్ లాక్ ‌పోస్టర్‌కు దగ్గరగా ఉండటం గమనార్హం. అయితే, లిప్‌లాక్ లేకుండా.. ముద్దుకు సిద్ధమవుతున్న ఎక్సప్రెషన్స్‌తో పోస్టర్ డిజైన్ చేశారు. మరి, ఈ సినిమా తమిళంలో ఎంతవరకు సక్సెస్ అవుతుందో చూడాలి.