తన జీవితంలో #MeTooపై లతా మంగేష్కర్ ఏమన్నారంటే..

దేశంలో ప్రకంపనలు రేపుతోన్న #MeToo ఉద్యమంపై లెజెండరీ సింగర్, ‘భారతరత్న’ లతా మంగేష్కర్ స్పందించారు. ప్రతి మహిళ తన ఆత్మగౌరవానికి భంగం వాటిల్లకూడదని, పవిత్రంగా ఉండాలని భావిస్తుందన్నారు. అయితే తనకు ఎలాంటి లైంగిక వేధింపులు అనుభవాలు ఎదురుకాలేదని తెలిపారు. తనచుట్టూ ఉండేవారు ఎంతో గౌరవంగా మెలిగేవారని చెప్పారు. మీటూ ఉద్యమంలో భాగంగా పోరాటం చేస్తున్న బాధిత మహిళలకు అందరం అండగా నిలవాలని పిలుపునిచ్చారు.

లతా మంగేష్కర్ జీవితం ఆధారంగా ఆమె సోదరి మీనా ఖాదికర్ జీవితచరిత్రను రాసి, ఇటీవల పుస్తకాన్ని విడుదల చేశారు. సోదరి(మీనా) కంటే బయటివాళ్లకు నాకంటే ఎక్కువగా ఏం తెలుస్తుందన్నారు లతా. మీనా కూతురు రచనా అంటే తనకెంతో ఇష్టమన్నారు. తన జీవితచరిత్రను ఇంగ్లీష్‌లో రచన తీసుకొస్తుందన్నారు. తన శ్రేయోభిలాషులు, మద్దతుదారులకు సాధ్యమైనంత మందికి పుస్తకం చేరాలని ఆకాంక్షిస్తున్నట్లు తెలిపారు.

రచయిత, దర్శకనిర్మాత నక్షాబ్ జార్చ్‌తో వివాదాన్ని బయోగ్రఫీలో మీ సోదరి మీన ప్రస్తావించారని మీడియా అడిగిన ప్రశ్నకు ఇలా స్పందించారు. యుక్త వయసులో ఉన్నప్పుడు తనకు టెంపర్ చాలా ఎక్కువగా ఉండేదని, తన వద్దకు రావాలంటే మగవారు భయపడేవారన్నారు. రచయిత నక్షాబ్ జార్చ్‌వి మాత్రం తనపై ఎన్నో ప్రచారం చేసేవాడని, మా ఇద్దరి మధ్య సాన్నిహిత్యం ఉందని అవాస్తవాలు ప్రచారం చేశాడని చెప్పారు. వాటిలో ఇసుమంతైన వాస్తవం లేదని, ధైర్యంగా ఎదిరించినట్లు వెల్లడించారు. మీటూ ఉద్యమానికి మద్దతు తెలపాల్సిన అవసరం ఉంది. తప్పు చేసిన వాళ్లకు శిక్షపడాలన్నారు.
Read also: MeToo సంబంధిత కథనాల కోసం క్లిక్ చేయండి

‘నా గురించి ఎన్నో పుస్తకాలు వస్తున్నాయి. నాకు మాత్రం సంతోషంగా లేదు. నా అనుమతి లేకుండా పుస్తకాలు రాసేస్తున్నారు. వారికి నచ్చినట్లుగా విషయాలు వర్ణిస్తున్నారు. మాకు కుటుంబాలు ఉంటాయి. వారికి లేనిపోని విషయాలతో ఇబ్బంది కలుగుతుందని గ్రహిస్తే మంచిది. అందుకే కొందరు తమ జీవితాలపై పుస్తకాలు వద్దన్నారు. కుందల్ లాల్ సైగల్, దిలీప్ కుమార్, మా నాన్న పండిత్ దీననాథ్ మంగేష్కర్ జీవితచరిత్రలు పుస్తకంగా రావాలని కోరుకుంటున్నానంటూ’ లతా మంగేష్కర్ ఎన్నో కొత్త విషయాలను వివరించారు.
Read In English: Lata Mangeshkar on #MeToo movement: Nobody could mess around with me and get away with it