నాగ చైతన్య-సమంత పెళ్లికి ఎన్టీఆర్ డుమ్మా?

అక్కినేని నటవారసుడు నాగచైతన్య, హీరోయిన్ సమంత అక్టోబర్ 6న పెళ్లాడబోతున్నారు. గోవాలో వీరి పెళ్లి ఘనంగా జరగనుంది. ఈ వివాహ మహోత్సవానికి సినీ, రాజకీయ రంగాలకు చెందిన ప్రముఖులు హాజరు కానున్నారు. ఈ పెళ్లికి టాలీవుడ్ నుంచి చిరంజీవి, వెంకటేశ్, బాలయ్య, మహేశ్ బాబు, ప్రభాస్, అల్లు అర్జున్ లాంటి హీరోలు వెళ్లనున్నారు. వివాహానికి హాజరయ్యే అతిథుల కోసం ప్రత్యేకంగా చార్టర్డ్ ఫ్లయిట్‌ ఏర్పాటు చేస్తున్నారు.

జైలవకుశ, బిగ్ బాస్ షోలతో ఇప్పటి వరకూ తీరిక లేకుండా ఉన్న జూనియర్ ఎన్టీఆర్ మాత్రం నాగ చైతన్య వివాహ వేడుకకు హాజరు కావడం లేదని సమాచారం. బిజీ షెడ్యూల్‌కు బ్రేక్ ఇచ్చిన తారక్ విహారం కోసం విదేశాలకు వెళ్లినట్లు తెలుస్తోంది. ఇప్పటికే ఫారిన్‌ టూర్‌లో ఉన్న ఎన్టీఆర్ పెళ్లి రోజుకు ఇండియా తిరిగి వచ్చే అవకాశాలు తక్కువే. సో, చైతూ-సామ్స్ పెళ్లికి తారక్ హాజరయ్యే అవకాశాలు లేవనే అనుకోవాలి.