ఎన్టీఆర్ కొత్త సినిమాకు ముహూర్తం ఫిక్స్

జనతా గ్యారేజ్ మూవీ బ్లాక్ బస్టర్ హిట్ అవడంతో ఆ తర్వాత ఎన్టీఆర్ చేయబోయే సినిమాపై మరింత హైప్ నెలకొని వుంది. 'జనతా గ్యారేజ్' రిలీజైన తర్వాత చాలా గ్యాప్ తీసుకుంటుండం కూడా తారక్ ఫ్యాన్స్‌ని ఇంకొంత ఆసక్తిని రేకెత్తిస్తోంది. బాబీ డైరెక్ట్ చేయనున్న ఈ సినిమా ఫిబ్రవరి 11వ తేదీన లాంచ్ అవనుంది. జై లవకుశ అనే వర్కింగ్ టైటిల్ ప్రచారంలో వున్న ఈ సినిమా తారక్ కెరీర్‌లో 27వ మూవీ అవుతుంది.

తారక్ మూడు విభిన్నమైన పాత్రల్లో కనిపించనున్న 'జై లవకుశ'లో తారక్ సరసన ఇద్దరు హీరోయిన్లు నటించనున్నారు. ఆగస్టు 11న మూవీని రిలీజ్ చేద్దామనే ఆలోచనలో యూనిట్ వున్నట్టు ప్రచారం జరుగుతోంది కానీ దీనిపై ఈ చిత్ర నిర్మాణ సంస్థ ఎన్టీఆర్ ఆర్ట్స్ ఇంకా ఎటువంటి అధికారిక ప్రకటన చేయలేదు.