దగ్గుబాటి వారి ఇంట మోగిన పెళ్లి బాజా.. త్వరలో నిశ్చితార్థం

రానా దగ్గుబాటి, మిహీకా బజాజ్‌ల నిశ్చితార్థం నిన్న (మే 20న) సాయంత్రం 4 గంటలకు జరిగినట్టు వార్తలు వచ్చాయి. హైదరాబాద్ రామానాయుడు స్టూడియోలో ఇరు కుటుంబ సభ్యుల సమక్షంలో నిశ్చితార్థం జరనుందని మీడియాలో కథనాలు వచ్చాయి. అయితే, ఈ వార్తల్లో నిజం లేదని రానా తండ్రి, ప్రముఖ నిర్మాత సురేష్ బాబు క్లారిటీ ఇచ్చారు.

కేవలం ఇరు కుటుంబాలు మాట్లాడుకోవడానికే సమావేశం అవుతున్నట్టు తెలిపిన ఆయన.. నిశ్చితార్థం, పెళ్లి తేదీలను ఖరారు చేసుకుంటామని చెప్పారు. సురేష్ బాబు చెప్పినట్టుగానే నిన్న రామానాయుడు స్టూడియోలో ఇరు కుటుంబాల పెద్దలు కలుసుకున్నారు. నిశ్చితార్థానికి ముందు జరిపే రోకా ఫంక్షన్‌ను జరిపారు. ఈ ఫంక్షన్‌లో మిహీకాతో తీసుకున్న ఫొటోను రానా ఇన్‌స్టాగ్రామ్‌లో విడుదల చేశారు. వాస్తవానికి వీటిని చాలా మంది నిశ్చితార్థం ఫొటోలు అనకున్నారు. రానా కూడా తన ఇన్‌స్టాగ్రామ్ పోస్ట్‌లో ఈ ఫొటో గురించి క్లారిటీ ఇవ్వలేదు. ‘ఇట్స్ అఫీషియల్’ అని మాత్రమే పేర్కొన్నారు. దీంతో అంతా ఇవి నిశ్చితార్థం ఫొటోలు అనుకున్నారు. అదే పేరుతో ప్రస్తుతం ఈ ఫొటోలు సోషల్ మీడియాలో వైరల్ అవుతున్నాయి.