శర్వానంద్ ‘రాధ’ టీజర్ వచ్చేసింది..!

టాలీవుడ్‌లో భిన్నమైన కథలు ఎంచుకుంటూ.. వరుస సినిమాలతో దూసుకెళ్తున్న శర్వానంద్ మరో సరికొత్త చిత్రం ‘రాధ’తో త్వరలోనే ప్రేక్షకుల ముందుకు రానున్నాడు. బుధవారం ఈ సినిమాకి సంబంధించిన టీజర్‌ని చిత్ర యూనిట్ విడుదల చేసింది. ఇందులో శర్వానంద్ పోలీస్ ఆఫీసర్‌గా నటిస్తుండగా.. అతనికి జోడీగా లావణ్య త్రిపాఠి తొలిసారి ఆడిపాడనుంది.

బోగవల్లి బాపినీడు నిర్మిస్తున్న ఈ చిత్రానికి చంద్ర మోహన్ దర్శకత్వం వహిస్తున్నారు. ట్రైలర్‌లో శర్వానంద్ సీరియస్‌గా ఉంటూనే తన పంక్తు కామెడీ పండిస్తున్నాడు. మరోవైపు లావణ్య త్రిపాఠి ‘రాధ’లో గ్లామరస్‌గా కనిపించనున్నట్లు సమాచారం. ఈ ఏడాది సంక్రాంతికి విడుదలైన ‘శతమానం భవతి’ సినిమా మంచి వసూళ్లను రాబట్టడమే కాకుండా.. కుటుంబ ప్రేక్షకుల్ని కూడా శర్వానంద్‌కి దగ్గరచేసింది.