Ongole లో ‘వీరసింహా రెడ్డి’ మేనియా.. బాలయ్యకి భారీ కటౌట్లు

ఒంగోలులో ఈరోజు ‘వీరసింహా రెడ్డి’ ప్రీరిలీజ్ ఈవెంట్‌కి సర్వం సిద్ధమైంది. అక్కడ మార్కెట్ యార్డ్‌కి ఎదురుగా ఉన్న అర్జున్ ఇన్‌ప్రా గ్రౌండ్‌లో ఈవెంట్ జరగబోతుండగా.. మొయినాబాద్ నుంచి చాపర్‌లో నందమూరి బాలకృష్ణ ఇప్పటికే అక్కడికి చేరుకున్నారు. అతని వెంట హీరోయిన్ శృతి హాసన్, సీనియర్ దర్శకుడు బి.గోపాల్, మైత్రీ మూవీ మేకర్స్ ప్రొడ్యూసర్స్‌లో ఒకరైన నవీన్ ఉన్నారు. ఈరోజు సాయంత్రం 6 గంటలకి ఈవెంట్ ప్రారంభంకానుండగా.. 8:17 గంటలకి ట్రైలర్‌‌ని వేదికపైనే రిలీజ్ చేయబోతున్నారు.

వీరసింహా రెడ్డి మూవీకి గోపీచంద్ మలినేని దర్శకత్వం వహించగా.. అతని స్వస్థలం ప్రకాశం. దాంతో ప్రీరిలీజ్ ఈవెంట్‌కి దర్శకుడు దగ్గరుండి ఏర్పాట్లని పర్యవేక్షిస్తున్నాడు. ఒంగోలుకి చాపర్‌లో చేరుకున్న బాలయ్యకి అభిమానులతో పాటు కొంత మంది స్థానిక రాజకీయ నాయకులు స్వాగతం పలికారు. అక్కడి నుంచి బాలయ్య సమీపంలోని హోటల్‌కి వెళ్లిపోయారు. ప్రీరిలీజ్ ఈవెంట్ ప్రారంభమైన తర్వాత వేదిక వద్దకి బాలయ్య వస్తారు.


రాయలసీమ ఫ్యాక్షన్ బ్యాక్‌డ్రాప్‌తో ఈ వీరసింహా రెడ్డి మూవీ వస్తోంది. దాంతో బాలయ్య గతంలో నటించిన సమరసింహా రెడ్డి, నరసింహా నాయుడు సినిమాలతో ఈ మూవీని అభిమానులు పోలుస్తున్నారు. అంతేకాదు ప్రీరిలీజ్ ఈవెంట్ వద్ద కూడా ఈ రెండు సినిమాలకి సంబంధించిన భారీ కటౌట్లని అభిమానులు ఏర్పాటు చేశారు. అలానే దర్శకుడు గోపీచంద్ మలినేనికి కూడా ఓ కటౌట్‌ని ఏర్పాటు చేశారు. సంక్రాంతి కానుకగా ఈ నెల 12న సినిమా థియేటర్లలోకి రాబోతోంది.




Read Latest Telugu Movies News , Telugu News