ఐదు అవార్డులు కొల్లగొట్టిన ‘లా లా ల్యాండ్’

ప్రతిష్టాత్మక 89వ అకాడమీ అవార్డుల్లో ‘లా లా ల్యాండ్’ సినిమా సత్తా చాటింది. ఏకంగా ఐదు అవార్డులను తన ఖాతాలో వేసుకుని ఈ ఏడాది అత్యధిక అవార్డులు గెలుచుకున్న చిత్రంగా నిలిచింది. ఉత్తమ నటి, ఉత్తమ దర్శకుడు, ఛాయాగ్రహణం, ఒరిజినల్ బ్యాక్‌గ్రౌండ్ స్కోర్, ఒరిజినల్ సాంగ్ విభాగాల్లో ‘లా లా ల్యాండ్’ అవార్డులు సొంతం చేసుకుంది. అయితే ఉత్తమ చిత్రం విభాగంలో మాత్రం ‘లా లా ల్యాండ్’కు నిరాశ ఎదురైంది. ఈ సినిమాను వెనక్కి నెట్టి ‘మూన్‌లైట్’ ఉత్తమ చిత్రంగా నిలిచింది.

కాగా, ‘లా లా ల్యాండ్’లో అద్భుత నటన కనబరిచిన ఎమ్మా స్టోన్‌కు ఉత్తమ నటి అవార్డు దక్కింది. అలాగే ఛాయాగ్రహణం అందించిన లైనస్ సాండ్‌గ్రెన్, ఒరిజినల్ స్కోర్ అందించిన జస్టిన్ హుర్విడ్జ్ ఆస్కార్లు అందుకున్నారు. ‘లా లా ల్యాండ్’లో ‘సిటీ ఆఫ్ స్టార్స్’ పాటకు గాను సంగీత దర్శకుడు జస్టిన్ హుర్విడ్జ్, గీత రచయితలు బెంజ్ పాసెక్, జస్టిన్ పాల్ ఉత్తమ ఒరిజినల్ సాంగ్ అవార్డు అందుకున్నారు. మొత్తం మీద ఐదు అవార్డులతో ఈ ఏడాది అత్యధిక అవార్డులు కొల్లగొట్టిన చిత్రంగా ‘లా లా ల్యాండ్’ నిలిచింది.