ఆస్కార్ 2017: ప్రియాంక ‘నమస్తే హాలీవుడ్’

క్వాంటికో టీవీ సిరీస్ ద్వారా హాలీవుడ్‌లో తనకంటూ ప్రత్యేక గుర్తింపు తెచ్చుకున్న బాలీవుడ్ తార ప్రియాంక చోప్రా. ఇప్పటికే హాలీవుడ్‌లో అనేక అవార్డులను సొంతం చేసుకున్న ఈ భామ సోమవారం ఉదయం (భారత కాలమానం ప్రకారం) లాస్ ఏంజిల్స్‌లోని డాల్బీ థియేటర్‌లో ప్రారంభమైన ఆస్కార్ అవార్డుల ప్రదానోత్సవంలో పాల్గొంది. ఈ సందర్భంగా ఏర్పాటుచేసిన రెడ్ కార్పెట్‌పై ప్రియాంక హొయలొలికించింది. ముందుగా భారతీయ సంప్రదాయం ప్రకారం ‘నమస్తే హాలీవుడ్’ అన్నట్లు అందరికీ అభివాదం చేసింది. మొజాయిక్ చేసినట్లు ఉన్న పొడవాటి గౌనులో ప్రియాంక మెరిసిపోయింది.