'పైసా వసూల్' ఆడియో లాంచ్ డేట్

నందమూరి బాలకృష్ణ నటించిన అప్‌కమింగ్ మూవీ పైసా వసూల్ ఆడియో లాంచింగ్ డేట్ ఖరారైంది. సెప్టెంబర్ మొదటి వారంలో పైసా వసూల్ సినిమాను రిలీజ్ చేయాలని ప్లాన్ చేస్తున్న మేకర్స్ అందుకు అనుగుణంగానే ప్రమోషన్స్ స్టార్ట్ చేశారు. అందులో భాగంగానే నిన్న రిలీజైన స్టంపర్‌కి సైతం భారీ స్పందన కనిపించింది. ఇదిలావుండగా తాజాగా పైసా వసూల్ యూనిట్ వెల్లడించిన వివరాల ప్రకారం అనూప్ రూబెన్స్ కంపోజ్ చేసిన ఈ సినిమా ఆడియో ఆగస్టు 13న లాంచ్ కానుంది.

తేదీ అయితే ఖరారైంది కానీ ఆడియో లాంచ్ వేదిక ఎక్కడ అనే విషయంలోనే ప్రస్తుతానికి ఇంకా ఓ క్లారిటీ రాలేదని సమాచారం. పూరి జగన్నాథ్ డైరెక్ట్ చేస్తున్న ఈ సినిమాలో బాలకృష్ణ మాంచి మాస్ రోల్ పోషించారని నిన్న రిలీజైన స్టంపర్ 101 చూస్తే అర్థమవుతోంది. గౌతమిపుత్ర శాతకర్ణి చిత్రంలో బాలయ్య సరసన జంటగా నటించిన శ్రియ శరణ్ వరుసగా మరోసారి అతడితో జోడీ కట్టారు. ముస్కాన్, కైరా దత్‌లు ఇతర ఫీమేల్ లీడ్ రోల్స్ పోషిస్తున్నారు.