Pawan Kalyan: ‘ఉస్తాద్ భగత్‌సింగ్‌’గా ప‌వ‌న్ క‌ళ్యాణ్‌.. టైటిల్ పోస్ట‌ర్ రిలీజ్ చేసిన హ‌రీష్ శంక‌ర్‌.. ఫ్యాన్స్‌కి పూన‌కాలే

ప‌వ‌ర్ స్టార్ ప‌వ‌న్ క‌ళ్యాణ్ (Pawan Kalayan) స్పీడు మీదున్నారు. ఇప్పుడు మ‌రో కొత్త సినిమాను అనౌన్స్ చేశారు. రీసెంట్ టైమ్‌లో సుజీత్ (Sujeeth) ద‌ర్శ‌క‌త్వంలో ఓ సినిమాను అనౌన్స్ చేసిన సంగ‌తి తెలిసిందే. కాగా ఇప్పుడు హ‌రీష్ శంక‌ర్ (Harish Shankar) ద‌ర్శ‌క‌త్వంలో సినిమా ఉంటుంద‌ని ఓ వారం రోజులుగా న్యూస్ బ‌య‌ట చ‌క్క‌ర్లు కొడుతుంది. ఈ నేప‌థ్యంలో హ‌రీష్ శంక‌ర్ ద‌ర్శ‌క‌త్వంలో ప‌వ‌న్ చేస్తున్న సినిమాకు సంబంధించి అధికారిక ప్ర‌క‌ట‌న వెలువ‌డింది. ‘ఉస్తాద్ భగత్‌సింగ్‌’గా (Ustaad Bhagat Singh) ప‌వ‌న్ క‌ళ్యాణ్ - హ‌రీష్ శంక‌ర్ మూవీ తెర‌కెక్క‌నుంది. ప్ర‌ముఖ నిర్మాణ సంస్థ మైత్రీ మూవీ మేక‌ర్స్ (Mythri movie makers) సంస్థ ఈ సినిమాను నిర్మించ‌నుంది.

ఆదివారం దీనికి సంబంధించిన టైటిల్ లుక్ పోస్ట‌ర్‌ను విడుద‌ల చేశారు. టైటిల్ లుక్ పోస్ట‌ర్‌ను గ‌మ‌నిస్తే బైక్‌ను అనుకుని నిల‌బ‌డ్డ ప‌వ‌న్ క‌ళ్యాణ్ చేతిలో టీ గ్లాస్‌తో క‌నిపిస్తున్నారు. ‘మనల్ని ఎవడ్రా ఆపేది’ సినిమాకు ట్యాగ్ లైన్. త్వరలోనే షూటింగ్ ప్రారంభం కానుందని మేకర్స్ ప్రకటించారు. రాజకీయాల్లో బిజీగా ఉంటున్నప్పటికీ పవన్ కళ్యాణ్ కొత్త సినిమాలకు గ్రీన్ సిగ్నల్ ఇచ్చారు. అందులో భాగంగా ఆయన రెండు సినిమాలు చేయటానికి ఓకే చెప్పారు. ఒకటి సుజీత్ దర్శకత్వంలో చేస్తున్న సినిమా. కాగా.. రెండో సినిమా హరీష్ శంకర్ దర్శకత్వంలో అనేది ఫిక్స్. అయితే సినిమా అధికారిక ప్రకటన ఎప్పుడు వస్తుందా? అనేది అందరిలోనూ ఎగ్జయిట్‌మెంట్‌ను పెంచేసింది.

ఎందుకంటే ఇప్పటికీ వీరిద్దరు కలిసి భవదీయుడు భగత్‌సింగ్ సినిమాను అనౌన్స్ చేశారు. ఆ సినిమా సెట్స్ పైకి వెళ్లనేలేదు. మరో వైపు తమిళ చిత్రం తెరి (Theri remake) రీమేక్‌లో పవన్ నటిస్తారనే వార్తలు వినిపించాయి. ఈ నేపథ్యంలో తెరి రీమేక్ అవసరం లేదంటూ పవన్ ఫ్యాన్స్ సోషల్ మీడియాలో పెద్ద గొడవే చేశారు. ఇవన్నీ పవన్ కళ్యాణ్, హరీష్ మూవీలపై అందరిలో ఇంట్రెస్ట్‌ను పెంచేశాయి.దీనికి తోడు ఈ సినిమాపై నెట్టింట జోరుగా వార్తలు రావటం మొదలయ్యాయి. అయితే ఈ వార్తలన్నింటికీ సమాధానం చెబుతూ పవన్ కళ్యాణ్‌తో తాను ఉస్తాద్ భగత్ సింగ్ సినిమాను చేయబోతున్నట్లు హరీష్ ప్రకటించేశారు. పవన్ మరో కొత్త సినిమాను వెంటనే అనౌన్స్ చేయటంతో పవన్ కళ్యాణ్ ఫ్యాన్స్‌ పండగ చేసుకుంటున్నారు. గబ్బర్ సింగ్ తర్వాత పవన్, హరీష్ కాంబినేషన్ రానున్న సినిమా కావటంతో ఫ్యాన్స్, సినీ అభిమానుల్లోనే కాదు.. ఇండస్ట్రీ వర్గాల్లోనూ భారీ అంచనాలు క్రియేట్ అయ్యాయి.

• Read Tollywood Updates & Telugu News