‘అజ్ఞాతవాసి’ ట్రైలర్ ఈరోజే.. చూస్తూనే ఉండండి!

పవర్ స్టార్ పవన్ కళ్యాణ్ అప్ కమింగ్ మూవీ ‘అజ్ఞాతవాసి’ కోసం మెగా అభిమానులతో పాటు కామన్ ఆడియన్స్ కూడా ఎంతగానో ఎదురుచూస్తున్నారు. ప్రపంచ వ్యాప్తంగా పవన్‌కు ఉన్న స్టామినా దృష్ట్యా ‘అజ్ఞాతవాసి’ ఫీవర్ నడుస్తోంది. ఇక ఈ సినిమాకోసం పవన్ అభిమానులు ఎంతగా ఎదురుచూస్తున్నారో.. ‘అజ్ఞాతవాసి’ ట్రైలర్ కోసం అంతే ఆసక్తితో ఎదురుచూస్తున్నారు. ఎట్టకేలకు అభిమానుల నిరీక్షణ ఫలించే టైం వచ్చేసింది. ఈ ట్రైలర్‌ను శనివారం రాత్రికి విడుదల చేస్తున్నట్లు అధికారిక ప్రకటన విడుదల చేసింది చిత్ర యూనిట్. అయితే వేచిచూడండి అంటూ కొద్దిసేపటి క్రితం ట్వీట్ చేసిన చిత్రయూనిట్ టైం ఎప్పుడన్నది చెప్పలేదు.

నిజానికి ‘అజ్ఞాతవాసి’ ఆడియో రిలీజ్ వేడుకలో ట్రైలర్‌ను విడుదల చేస్తారని ఫ్యాన్స్ భావించినప్పటికీ నిరాశ తప్పలేదు. దీంతో డిసెంబర్ 26న(ఈరోజు) ట్రైలర్ విడుదల అంటూ వార్తలు వచ్చాయి. అయితే ఈరోజున కూడా అభిమానుల ఎదురుచూపులు ఫలించకపోగా ఎట్టకేలకు ట్రైలర్ రిలీజ్ డేట్ ఇవ్వడంతో పవన్ ఫ్యాన్స్ ‘అజ్ఞాతవాసి’ ట్రైలర్‌ కోసం ఆసక్తితో ఎదురుచూస్తున్నారు.

Here’s the news you have been waiting for, #AgnyaathavaasiTrailer will be out today! Stay tuned!#PSPK25 #Agnyaathavaasi @PawanKalyan @PKCreativeWorks #Trivikram @KeerthyOfficial @ItsAnuEmmanuel @anirudhofficial @adityamusic ` pic.twitter.com/SZqGjQd1qB — Haarika & Hassine Creations (@haarikahassine) January 6, 2018
జల్సా, అత్తారింటికి దారేది చిత్రాల తరువాత పవన్ త్రివిక్రమ్ కాంబినేషన్‌లో వస్తున్న మూడో చిత్రం ‘అజ్ఞాతవాసి’ కావడంతో ఈ మూవీపై పాజిటివ్ బజ్ క్రియేట్ అయ్యింది. సంక్రాంతి కానుకగా జనవరి 10న ప్రేక్షకుల ముందుకు వస్తున్న ఈ మూవీ ప్రీమియర్ షోలు 9వ తేదీ రాత్రి నుండే ప్రదర్శించడానికి ఏర్పాట్లు జరుగుతున్నాయి. ఈ చిత్రంలో కీర్తి సురేష్, అను ఇమ్మాన్యుయేల్ హీరోయిన్లుగా నటిస్తున్నారు. ఈ సినిమాకు తమిళ సంగీత సంచలనం అనిరుధ్ మ్యూజిక్ అందిస్తున్నారు. ఆయనకు ఇదే తొలి తెలుగు చిత్రం కాగా.. హారిక అండ్ హాసిని క్రియేషన్స్ బ్యానర్‌పై భారీ బడ్జెట్‌తో నిర్మాత రాధాక్రిష్ణ ఈ చిత్రాన్ని నిర్మించారు.