యాప్నగరం

పవన్ వేలికి ఆ ఉంగరం.. సెంటిమెంట్ కోసమా.. ఇంకేదైనా కారణముందా.. ఫోటో వైరల్

మూడు సంవత్సరాల సుదీర్ఘ విరామం తర్వాత పవర్‌స్టార్ పవన్‌కళ్యాణ్ ‘వకీల్‌సాబ్’ సినిమాతో తిరిగి వెండితెరపై కనిపించనున్నారు. ఈ సినిమా ప్రీరిలీజ్ ఈవెంట్ ఆదివారం (ఏప్రిల్ 4న) శిల్పకళా వేదికగా జరిగింది. ఈ ఈవెంట్‌లో పవన్ ధరించిన ఓ ఉంగరం అందరి దృష్టిని ఆకర్షించింది.

Samayam Telugu 5 Apr 2021, 9:46 pm
అజ్ఞాతవాసి సినిమా తర్వాత రాజకీయాల కోసం సినిమాల నుంచి విరామం తీసుకున్న పవర్‌స్టార్ పవన్ కళ్యాణ్ దాదాపు మూడు సంవత్సరాల తర్వాత మళ్లీ వెండితెరపై కనిపించనున్నారు. బాలీవుడ్‌లో ఘన విజయం సాధించిన ‘పింక్’ సినిమా రీమేక్‌గా తెరకెక్కుతున్న ‘వకీల్‌సాబ్’ సినిమాతో ఆయన రీ ఎంట్రీ ఇవ్వనున్నారు. ఈ సినిమా కోసం పవన్ అభిమానులే కాదు.. తెలుగు సినిమా ప్రేక్షకులు అంతా ఆతృతగా ఎదురుచూస్తున్నారు. అయితే ఈ సినిమా ప్రీ రిలీజ్ ఈవెంట్ ఆదివారం (ఏప్రిల్ 4న) ఘనంగా జరిగింది. ఈ వేడుకలు పలువురు సినీ ప్రముఖులు హాజరయ్యారు.
Samayam Telugu పవర్‌స్టార్ పవన్‌కళ్యాణ్
powerstar pawan kalyan


అయితే పవన్‌కళ్యాణ్ ఉండగా ఆ ఈవెంట్‌లో మరో వ్యక్తి హైలైట్ అయ్యే అవకాశం లేదు. పవర్‌స్టార్ వేదికవద్దకు వచ్చినప్పటి నుంచి అభిమానులతో పాటు.. అన్ని కెమెరాల దృష్టి ఆయనపైనే ఉంటుంది. ఈ నేపథ్యంలో పవన్ చేతికి ఉన్న ఓ ఉంగరం అందరి దృష్టిని ఆకర్షించింది. సాధారణంగా ఏ ఈవెంట్‌కి అయినా చాలా సింపుల్‌గా హాజరయ్యే పవన్.. ఈ ఈవెంట్‌కి మాత్రం చేతికి ఉంగరాలు ధరించి కనిపించారు. ఇందులో ముఖ్యంగా పడగ విప్పిన నాగుపాము ఉంగరాన్ని పవన్ ధరించడం.. అందరి దృష్టిని ఆకర్షించింది.

ఇందుకు సంబంధించిన ఫొటోలు ప్రస్తుతం సోషల్‌మీడియాలో వైరల్ అవుతున్నాయి. సాధారణంగా ఏదైనా దోషం ఉంటేనో.. లేక మరేదైనా సెంటిమెంట్ ఉంటేనో తప్ప ఎవరైనా ఇలాంటి ఉంగరం ధరించరు. మరి పవన్.. పడగ విప్పిన నాగుపాము ఉంగరాన్ని ధరించడానికి గల కారణం ఏంటి అనే చర్చ సోషల్‌మీడియాలో పెద్ద ఎత్తున జరుగుతుంది. అయితే వకీల్‌సాబ్ తర్వాత పవన్ కళ్యాణ్.. క్రిష్ దర్శకత్వంలో ‘హరిహర వీరమల్లు’ అనే పీరియాడిక్ సినిమాలో నటిస్తున్నారు.

అయితే ఈ పాత్ర గెటప్‌లో భాగంగా పవన్ పలు ఉంగరాలు ధరించారని.. అందులో ఓ ఉంగరం నచ్చి దాన్ని అలాగే చేతికి ఉంచుకొని ఉండొచ్చని అభిమానులు భావిస్తున్నారు. ఇక వకీల్‌సాబ్ సినిమాపై అభిమానులతో పాటు చిత్ర నిర్మాతలు భారీ అంచనాలు పెట్టుకున్నారు. పవన్ రీ ఎంట్రీ సినిమా కావడంతో బాక్సాఫీస్ వద్ద తమకు కాసుల వర్షం కురవడం ఖాయమని వాళ్లు ధీమాగా ఉన్నారు. వేణు శ్రీరామ్ దర్శకత్వంలో తెరకెక్కిన ఈ సినిమాలో శృతి హాసన్ హీరోయిన్‌గా నటిస్తుండగా.. నివేదా థామస్, అంజలి, అనన్య, ప్రకాశ్ రాజ్ ప్రధాన పాత్రల్లో నటించారు. ఈ సినిమా ఏప్రిల్ 9న ప్రపంచవ్యాప్తంగా విడుదల కానుంది.

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.