Akira Nandan స్కూల్‌లో గ్రాడ్యుయేషన్ డే.. రేణూ దేశాయ్, ఆద్యలతో పవన్ కళ్యాణ్

అకీరా నందన్ (Akira Nandan) , పవన్ కళ్యాణ్ (Pawan Kalyan) కలిసి ఉన్న ఫోటోలు తాజాగా వైరల్ అవుతున్నాయి. అకీరా నందన్ స్కూల్‌లో గ్రాడ్యుయేషన్ డే (Akira Nandan Graduation Day) సోమవారం ఘనంగా జరిగింది. ఇండస్ ఇంటర్నేషనల్ స్కూల్‌ గ్రాడ్యుయేషన్ డే అంటూ అభిమానులు ట్వీట్లు పెడుతున్నారు. ఈ స్కూల్‌ గ్రాడ్యుయేషన్ ఈవెంట్‌లో పవర్ స్టార్ పవన్ కళ్యాణ్ సందడి చేశారు. అకీరా నందన్ కోసం పవన్ కళ్యాణ్ వచ్చాడు. తన ఫ్యామిలీతో కలిసి ఫోటోలకు పోజులిచ్చాడు. ప్రస్తుతం ఈ ఫోటోలు నెట్టింట్లో తెగ చక్కర్లు కొడుతున్నాయి.పవన్ కళ్యాణ్, రేణూ దేశాయ్ ఇద్దరూ భార్యాభర్తలుగా విడిపోయి విడాకులు తీసుకుని దూరంగా ఉన్నా కూడా.. పిల్లల కోసం మాత్రం తమ తమ పట్టింపులను పక్కన పెట్టేసినట్టు కనిపిస్తుంది. అకీరా నందన్, ఆద్యలను మధ్య మధ్యలో పవన్ కళ్యాణ్ కలుస్తుంటాడు. ఆ మధ్య రేణూ దేశాయ్ ఇంట్లో పవన్ కళ్యాణ్ తన పిల్లలతో ప్రేమగా ఉన్న ఫోటోలు ఎంతగా వైరల్ అయ్యాయో అందరికీ తెలిసిందే.

ఇక రేణూ దేశాయ్ సైతం మెగా ఇంట్లో జరిగే ఫంక్షన్లకు, పెళ్లిళ్లకు, పండుగలకు అకీరా, ఆద్యలను పంపిస్తుంటుంది. అలా పిల్లలను మాత్రం మెగా ఫ్యామిలీకి దగ్గరగానే ఉంచుతుంది. ఇక తాజాగా అకీరా నందన్ 17 ఏటలోకి వచ్చిన సంగతి తెలిసిందే. మొత్తానికి అకీరా నందన్ తన స్కూల్‌లో గ్రాడ్యుయేషన్ డే నాడు హీరోలా మెరిశాడు.

పవన్ కళ్యాణ్, అకీరా నందన్ ఇలా ఒకే ఫ్రేములో కనిపించడంతో పవర్ స్టార్ ఫ్యాన్స్ ఫుల్ ఖుషీ అవుతున్నారు. పవన్ కళ్యాణ్, రేణూ దేశాయ్, అకీరా నందన్, ఆద్యలు కలిసి ఉన్న ఈ ఫోటో ఇప్పుడు నెట్టింట్లో తెగ వైరల్ అవుతోంది.