Comedian Ali: నీ స్థాయి తెలుసుకో.. అలీని అంటావా - పవన్ కళ్యాణ్‌పై శ్రీరెడ్డి సంచలన వ్యాఖ్యలు

వివాదాస్పద నటి శ్రీరెడ్డి మరోసారి సంచలనాలకు తెర తీసింది. పవన్ కళ్యాణ్‌ను ఎప్పటి నుంచో టార్గెట్ చేస్తూ వస్తోన్న శ్రీరెడ్డి.. ప్రస్తుతం ఎన్నికల నేపథ్యంలో మరింత రెచ్చిపోతోంది. జనసేనాని లక్ష్యంగా చేసుకుంటూ రోజుకో సంచలన వ్యాఖ్య చేస్తోంది. తాజాగా మరోసారి పవన్ కళ్యాణ్‌పై ఆగ్రహం వ్యక్తం చేసింది. సోమవారం తూర్పుగోదావరి జిల్లా రాజమండ్రిలో ఎన్నికల ప్రచారం నిర్వహించిన పవన్ కళ్యాణ్.. తన సినీ మిత్రుడు, హాస్యనటుడు అలీపై ఆసక్తికర వ్యాఖ్యలు చేశారు.

అలీ తనకు మిత్రుడైనా వైసీపీ అధ్యక్షుడు జగన్‌తో చేతులు కలిపారని పవన్ అన్నారు. అలీ చెప్పిన వాళ్లకు జనసేన తరపున టిక్కెట్‌ ఇచ్చినా.. తనను వదిలి వెళ్లారని, మోసం చేశాడని ఆవేదన వ్యక్తంచేశారు. అలీ కష్టాల్లో ఉన్నప్పుడు తాను అండగా ఉన్నానని.. తనతో కలిసి పనిచేస్తానని చెప్పి ఇప్పుడు చెప్పా పెట్టకుండా వైసీపీలోకి వెళ్లిపోయారని పవన్ అన్నారు. అలీ లాంటివాళ్ల వల్ల మనుషులపై నమ్మకం పోతుందని పవన్ కళ్యాణ్ వ్యాఖ్యానించారు. తాను ఎన్నికల్లో రాణించలేనని ఆయన ఎలా అనుకుంటారని ప్రశ్నించారు.

Also Read: మనుషులపై నమ్మకం పోతోంది.. అలీపై పవన్ సంచలన వ్యాఖ్యలు

పవన్ కళ్యాణ్ వ్యాఖ్యలపై అలీ స్పందించకపోయినా.. ఆయనకు శ్రీరెడ్డి వకల్తా పుచ్చుకుంది. తన శైలిలో కాస్త మసాలా జోడించి పవన్‌పై విరుచుకుపడింది. ఈ మేరకు ఫేస్‌బుక్‌లో పోస్ట్ చేసింది. ‘అరే పవన్, నీ ఫ.. స్థాయి ఏంటి. నువ్వు దేవుడివి కావు. గొప్ప వ్యక్తిత్వమున్న అలీ గురించి మాట్లాడే హక్కు నీకెక్కడిది. నీ పాలిటిక్స్ అచ్చం నా .....లానే ఉన్నాయి’ అంటూ సంచలన వ్యాఖ్యలు చేసింది.

దీంతో పాటు, ఏపీ పాలిటిక్స్‌పై మాట్లాడటానికి సోమవారం ఫేస్‌బుక్ లైవ్ కూడా నిర్వహించింది. పవన్ కళ్యాణ్, నాగబాబుపై తిట్ల పురాణం అందుకుంది. రాష్ట్ర రాజకీయాలు, ఎన్నికల పరిస్థితిని విశ్లేషిస్తూ క్లాస్ పీకింది. ఆమె తిట్ల పురాణాన్ని రాయడం కష్టం కానీ.. మీరే ఒక లుక్కేయండి.