Bandla Ganesh: బండ్లన్నా నీకో దండం.. పవన్ కళ్యాణ్‌ను వదిలేయ్.. పవర్ స్టార్ ఫ్యాన్స్ రిక్వెస్ట్

న‌టుడు, నిర్మాత బండ్ల గ‌ణేష్ (Bandla Ganesh) ఎక్కడ చిన్న అవకాశం దొరికినా.. పవర్‌స్టార్ ప‌వ‌న్ క‌ళ్యాణ్ (Pawan Kalyan)పై తన అభిమానం చాటుకునేందుకు ప్రయత్నిస్తుంటాడు. అభిమానం అనడం కంటే.. భక్తి అనాలేమో..! అటు సోష‌ల్ మీడియాలో.. ఇంట‌ర్వ్యూలలోనూ పవన్ గురించి పొగడకుండా బండ్ల ఉండలేడు. ఇక పవన్‌ను ఎవరైనా విమర్శిస్తే.. అవతలి వాళ్ల పరువు తీసే వరకు నిద్రపోడు. ఎంతో ఇష్టంగా దేవ‌ర అని పిలుచుకుంటూ.. ట్విట్టర్‌లో పవన్‌కు సంబంధించి పోస్టులు పెడుతూ.. ఆయన గొప్పతనం గురించి చెబుతుంటాడు.

అయితే తాజాగా బండ్ల గణేష్ చేసిన ఓ ట్వీట్‌పై నెటిజన్లు రివర్స్ కౌంటర్ ఇస్తున్నారు. ఓ సినీ వేడుకలో అడివి శేష్, టీజే టిల్లు ఫేమ్ సిద్దు జొన్నలగడ్డ కాలు మీద కాలు వేసుకుని కూర్చుకున్నారు. ఈ ఫొటోకు.. పవన్ కళ్యాణ్ చేతులు కట్టుకుని కూర్చొని ఉన్న ఫొటోలు జత చేసి.. 'నమస్కారానికి నిలువెత్తు నిదర్శనం మా దేవర దయచేసి నేర్చుకోండి.. ఆచరించండి.. అది మన ధర్మం..' అంటూ రాసుకొచ్చాడు. ఈ ట్వీట్‌పై నెటిజన్లు కాస్తా ఘాటుగానే రిప్లై ఇస్తున్నారు.


బండన్నా.. అది నమస్కారామా..? సమస్కారామా..? అని అడుగుతున్నారు. గతంలో పవన్ కళ్యాణ్ కాలు మీద కాలు వేసుకుని కూర్చొని పిక్స్‌ను షేర్ చేస్తూ.. మరి దీన్ని ఏమంటారు బండ్లన్నా..? అంటూ ప్రశ్నిస్తున్నారు. 'మీరు పవన్ కళ్యాణ్ అన్నను వాడుకుని ఏం చేయాలని అనుకుంటున్నారు బండ్లన్నా..? వాళ్లతో ఎందుకు పొల్చుతున్నావు..? ఎవరికి నచ్చినట్లు వాళ్లు ఉంటారు. ప్లీజ్ ఈ పోస్ట్ డిలీట్ చేయండి..' అంటూ పవన్ ఫ్యాన్స్ కోరుతున్నారు.

'నీకు దండం రా బాబు మా అన్నయ్యని వదిలేయరా.. నీకు కావాలంటే వ్యక్తిగతంగా వేసుకో.. అందులో మా అన్నయ్యని లాగొద్దు. ఇప్పటికే చాలామంది ఏడుస్తున్నారు మా అన్నయ్య మీద..' అంటూ మరో పవన్ అభిమాని కామెంట్ చేశాడు. ఏదో చెబుదామని ట్రై చేస్తున్న బండ్ల గణేష్‌.. ఉన్న పరువు కూడా పొగొట్టుకుంటున్నాడని అంటున్నారు. ఇలాంటి ట్వీట్స్ ఆపేయాలని కోరుతున్నారు.