చిన్నారి కుటుంబానికి ఆర్థిక సహాయం అందించిన పవన్‌కళ్యాణ్.. అది చాలా దారుణం అంటూ..

టాలీవుడ్‌లో ఉన్న హీరోల్లో.. పవర్‌స్టార్ పవన్‌కళ్యాణ్‌కి ఉన్న ఫ్యాన్ ఫాలోయింగ్ వేరు. ఆయన చేసే సినిమాలు మాత్రమే కాదు.. ఆయన వ్యక్తిత్వం కారణంగా కూడా అభిమానులు ఆయన్నిఇష్టపడుతుంటారు. ఎన్నో సందర్భాల్లో ఆయన చేసే సమాజిక సేవా కార్యక్రమాలు ఎందరికో ఆదర్శంగా నిలుస్తాయి. ఇక సినిమాల్లో ఉన్నా, రాజకీయాల్లో ఉన్నా.. పవన్‌కళ్యాణ్ తన శైలీని మార్చుకోరు. ఆయన ఎలా ఉండాలో అలాగే ఉంటారు. అందుకోసమే ఆయన్ని అభిమానులు ఇష్టపడతారు.. కొందరైతే.. దేవుడిగా భావిస్తారు.

అయితే కొద్దిరోజుల క్రితం హైదరాబాద్‌లో ఓ దారుణం చోటు చేసుకున్న విషయం తెలిసిందే. సైదాబాద్‌లోని సింగరేణి కాలనీలో ఓ ముక్కుపచ్చలారని చిన్నారి చైత్రపై ఓ రాక్షసుడు అత్యాచారానికి పాల్పడి హతమార్చిన విషయం తెలిసిందే. ఈ కేసు రెండు తెలుగు రాష్ట్రాలను కుదిపేసింది. ఇక ఆ రాక్షసుడి కోసం హైదరాబాద్‌తో పాటు.. రాష్ట్ర వ్యాప్తంగా గాలింపులు జరిపారు పోలీసులు. అతన్ని పట్టించిన వారికి రూ.10 లక్షలు నజరానా కూడా ప్రకటించారు. కానీ, మత్తుకు అత్యంత అలవాటు పడిన సదరు వ్యక్తి స్టేషన్ ఘన్‌పూర్ సమీపంలో రైల్వేట్రాక్‌పై ట్రైన్ కిందపడి ఆత్మహత్య చేసుకున్నాడు.

దీంతో ఈ కేసును ముగించారు పోలీసులు. అయితే పవన్‌కళ్యాణ్ కేసు జరుగుతున్న సమయంలోనే బాధితురాలు చైత్ర తల్లిదండ్రులను కలిసేందుకు వెళ్లారు. అయితే అప్పుడు అభిమానుల రద్ది ఎక్కువగా ఉండటంతో.. ఆయన కారు వద్దనే బాధితురాలి తండ్రిని కలుసుకున్నారు. తాజాగా ఓ మీటింగ్ కోసం వచ్చిన పవన్ ఆ మీటింగ్ తర్వాత చైత్ర కుటుంబాన్ని మరోసారి పరామర్శించారు. ఆ తర్వాత చైత్ర ఆత్మకు శాంతి కలగాలి అని ఆయన రెండు నిమిషాల పాటు మౌనం పాటించారు. జరిగిన ఘటన చాలా దారుణం అని ఆయన అన్నారు. ఇక చైత్ర కుటుంబసభ్యులు రూ.2.5 లక్షల చెక్‌ను ఆయన అందించారు.