​పవన్ ఫ్యాన్స్‌కు బ్యాడ్ న్యూస్!

పవర్ స్టార్ పవన్ కల్యాణ్ అభిమానులంతా.. జనవరి 26 ఎప్పుడు వస్తుందా? అని ఎదురుచూస్తున్నారు. ఎందుకంటే అదే రోజున పవన్ కల్యాణ్ నటిస్తోన్న 'కాటమరాయుడు' సినిమా టీజర్‌ను రిలీజ్ చేయాలని ముందుగా ప్లాన్ చేసుకున్నారు. కానీ ఇప్పుడు అది కాస్త పోస్ట్ పోన్ చేసినట్లు సమాచారం. ఈ విషయం తెలిసిన పవన్ అభిమానులు నిరాశ చెందుతున్నారు.

వాస్తవానికి పవన్ ‘కాటమరాయుడు’ టీజర్ సంక్రాంతికి రిలీజ్ చేస్తారని ప్రకంటించడంతో పవన్ ఫ్యాన్స్‌ ఖుషీ అయ్యారు. అయితే అభిమానులు ఆశ పడ్డట్టు జరగలేదు. టీజర్‌ రిలీజ్ డేట్‌ని జనవరి 26కి వాయిదా వేశారు. అయితే ఇప్పుడు మరోసారి కాటమరాయుడు టీజర్ వాయిదా పడుతోన్నట్లు వార్తలు వస్తున్నాయి.

దీనికి కారణం ఒక రకంగా పవన్ కల్యాణ్ అనే చెప్పొచ్చు.. ఎందుకంటే ఆంధ్రప్రదేశ్ ప్రత్యేక హోదా కోసం పవన్ విశాఖపట్టణంలో పెద్ద మీటింగ్‌ను ఏర్పాటు చేయనున్నాడు. అది కూడా జనవరి 26కు దగ్గరగా ఉండేలా చేయనున్నాడు. దాని కారణంగానే టీజర్ రిలీజ్ డేట్‌ను పోస్ట్ పోన్ చేశారని అంటున్నారు. ఈ మధ్య అంతా పవన్ నుండి జల్లికట్టు, స్పెషల్ స్టేటస్ ఇలాంటి మాటలే కానీ ప్రేక్షకులకు ఎలాంటి ఎంటర్టైన్మెంట్ దొరకడం లేదు. మరి పవన్ త్వరలోనే ఆ లోటును కూడా పూడుస్తాడేమో చూడాలి.