సాంగ్ టీజర్: ‘కొడకా.. కోటీశ్వరరావ్’... కిక్కే వేరప్పా!

కొడకా.... కొడకా.... అంటూ పవన్ కళ్యాణ్ కొత్త పాట మొదలు పెట్టేశారు. పవన్-త్రివిక్రమ్ కాంబినేషన్‌లో వస్తున్న ‘అజ్ఞాతవాసి’ మూవీలో పవన్ కళ్యాణ్ 'కొడుకా.. కోటేశ్వర రావ్' పాట పాడుతున్న విషయం తెలిసిందే. 2018 నూతన సంవత్సర కానుకగా డిసెంబర్ 31న 'కొడుకా.. కోటేశ్వర రావ్' సాంగ్‌ను విడుదల చేస్తున్నారు. ఈ సందర్భంగా ఈ సాంగ్ టీజర్‌ను రిలీజ్ చేసింది చిత్ర యూనిట్.

గతంలో కూడా పవన్-త్రివిక్రమ్ కాంబోలో వచ్చిన 'అత్తారింటికి దారేది' సినిమాలో పవన్ 'కాటమరాయుడా.. కదిరి నరసింహుడా’ అనే పాట పెద్ద సన్సేషన్ కావడంతో అదే సెంటిమెంట్‌తో పవన్‌తో 'కొడుకా.. కోటేశ్వర రావ్' పాట పాడించారు త్రివిక్రమ్. అనిరుధ్ సంగీతం అందిస్తున్న ఈ చిత్రానికి సంబంధించిన సాంగ్స్‌కు మంచి రెస్పాన్స్ వస్తుండటంతో తాజాగా 'కొడుకా.. కోటేశ్వర రావ్' పాట సోషల్ మీడియాను షేక్ చేయడం ఖాయంగానే కనిపిస్తోంది.

తాజాగా విడుదల చేసిన కొడుకా.. కోటేశ్వర రావ్' సాంగ్ టీజర్‌లో పవన్, త్రివిక్రమ్, అనిరుధ్‌లు ముగ్గురూ సందడి చేస్తున్నారు. పవన్ కళ్యాణ్.. కొడకా అంటూ పాట పాడేందుకు రెడీ అవుతూ తెగ సిగ్గు పడిపోతుంటే.. పక్కనే ఉన్న త్రివిక్రమ్ ఈ పాట అంత ఈజీగా తెవలదు. నాకు అర్థమౌతోందని అంటున్నారు. ఇంతలో పవన్ కళ్యాణ్.. కొడకా... కొడకా.. అంటూ 'కొడుకా.. కోటేశ్వర రావ్' పాటందుకున్నారు. మరి పవన్ కళ్యాణ్ కొడకా.. కోటీశ్వర రావు సాంగ్ వినాలంటే డిసెంబర్ 31 వరకూ ఆగాల్సిందే. ఈ లోపు ఈ టీజర్ చూసేయండి.

Here's the #KodakaaKoteswarRao Song Teaser! Party time begins from Dec 31st, 06:00pm! #PSPK25 #Agnyaathavaasi @PawanKalyan @PKCreativeWorks #Trivikram @anirudhofficial @KeerthyOfficial @ItsAnuEmmanuel https://t.co/ND1He07kS4 — Haarika & Hassine Creations (@haarikahassine) December 27, 2017