Pawan Kalyan: 20 ఏళ్ల త‌ర్వాత ప‌వ‌న్ క‌ళ్యాణ్‌ మార్షల్ ఆర్ట్స్ ట్రైనింగ్.. ఫొటో వైర‌ల్‌

ప‌వ‌ర్ స్టార్ ప‌వ‌న్ క‌ళ్యాణ్ (Pawan Kalyan) హీరోగా న‌టిస్తోన్న లేటెస్ట్ మూవీ ‘హరి హర వీర మల్లు’ (Hari Hara Veera Mallu). క్రిష్ జాగర్లమూడి (Krish Jagarlamudi) దర్శకత్వం వహిస్తున్నారు. ఎ.ఎం.ర‌త్నం నిర్మాత‌. ఈ సినిమా కోసం ప‌వ‌న్ క‌ళ్యాణ్ ఫ్యాన్స్ ఎంతో ఆస‌క్తిగా ఎదురు చూస్తున్నారు. ప‌వ‌న్ క‌ళ్యాణ్ చేస్తోన్న పీరియాడిక్ మూవీ ఇది. 17వ శ‌తాబ్దానికి చెందిన ఈ సినిమాలో రాబిన్ హుడ్ త‌రహా పాత్ర‌ను పోషిస్తున్నారు. ఆయ‌న గెట‌ప్ కూడా డిఫ‌రెంట్‌గా ఉంది. అంతే కాదండోయ్‌.. హ‌రి హ‌ర వీర‌మ‌ల్లు సినిమా కోసం ప‌వ‌న్ క‌ళ్యాణ్ మార్ష‌ల్ ఆర్ట్స్ ప్రాక్టీస్ చేస్తున్నారు. ఈ విష‌యాన్ని ఆయ‌నే స్వయంగా చెప్పారు.

మార్ష‌ల్ ఆర్ట్స్ ప్ర‌ధానంగా తెర‌కెక్కిన జానీ సినిమా త‌ర్వాత ప‌వ‌న్ క‌ళ్యాణ్ మ‌ళ్లీ మార్ష‌ల్ ఆర్ట్స్‌ను త‌న సినిమాల్లో ఎక్క‌డా ట‌చ్ చేయ‌లేదు. రెండు ద‌శాబ్దాల త‌ర్వాత మ‌ళ్లీ క‌త్తి చేత బ‌ట్టి సీరియ‌స్‌గా ప్రాక్టీస్ చేస్తున్నారు. ఆ ఫొటోను షేర్ చేసిన ప‌వ‌న్ క‌ళ్యాణ్ రెండు ద‌శాబ్దాలు త‌ర్వాత మ‌ళ్లీ మార్ష‌ల్ ఆర్ట్స్‌ను ప్రాక్టీస్ చేస్తున్నాన‌ని అన్నారు. ఆయ‌న ఫొటోను షేర్ చేసిన క్ష‌ణాల్లోనే అది తెగ వైర‌ల్ అయ్యింది. గ‌తంలో మార్ష‌ల్ ఆర్ట్స్ గురించి ప‌వ‌న్ క‌ళ్యాణ్ చెప్పిన మాట‌ల‌ను ఆయ‌న అభిమానులు గుర్తు చేసుకుంటున్నారు. హ‌రి హ‌ర వీర మల్లు సినిమా ఫైన‌ల్ స్టేజ్‌కు చేరుకుంది. రామోజీ ఫిల్మ్ సిటీలో ప‌వ‌న్ క‌ళ్యాణ్ ఈ సినిమాను పూర్తి చేసే ప‌నిలో ఉన్నారు.

హ‌రి హ‌ర వీర‌మ‌ల్లు 17వ శ‌తాబ్దానికి చెందిన సినిమా. ఇందులో ప‌వ‌న్ క‌ళ్యాణ్ మొఘ‌లు ప్ర‌భుత్వాన్ని ఎదిరించే పోరాట యోధుడు పాత్ర‌లో క‌నిపించ‌బోతున్నారు. అలాగే మొఘ‌ల్ చ‌క్ర‌వర్తి పాత్ర‌లో ప్రముఖ బాలీవుడ్ స్టార్ బాబీ డియోల్ న‌టించ‌బోతున్నారు. ఈ సినిమాలో మొఘ‌ల్ యువ‌రాణి పాత్ర‌లో న‌ర్గీస్ ఫ‌క్రీ. పంచ‌మి అనే మ‌రో పాత్ర‌లో నిధి అగ‌ర్వాల్ అల‌రించ‌నుంది.

హరి హర వీర మల్లు (Hari Hara Veera Mallu) సినిమా పూర్తి కాగానే ...పవన్ కళ్యాణ్ (Pawan Kalyan) మరో రెండు సినిమాలు చేయటానికి రెడీ అవుతున్నారు. అందులో ఓ చిత్రానికి సుజీత్ ( Sujeeth) దర్శకత్వం వహించబోతున్నారు. ఇది పక్కా గ్యాంగ్‌స్టర్ బేస్డ్ మూవీ అని సమాచారం. డి.వి.వి.దానయ్య నిర్మాత. మరో చిత్రానికి హరీష్ శంకర్ (Harish Shankar) డైరెక్టర్. మైత్రీ మూవీ మేకర్స్ నిర్మించనున్న ఈ సినిమా ప్రకటన త్వరలోనే రానుంది.

• Read Tollywood Updates & Telugu News