Pawan Kalyan Praises All Cinema Stars Including Chiranjeevi Who Donated For Coronavirus Crisis
పెద్దన్నయ్య పెద్ద మనసు.. పవన్ కళ్యాణ్ ఆసక్తికర ట్వీట్
కరోనా వైరస్ విజృంభిస్తోన్న నేపథ్యంలో దాని మీద పోరాటానికి సహకారంగా విరాళాలు ఇచ్చిన ప్రతి సినీ ప్రముఖుడినీ పవన్ కళ్యాణ్ కొనియాడారు. ప్రశంసల వర్షం కురిపించారు.
Samayam Telugu27 Mar 2020, 6:21 pm
కరోనా మహమ్మారిపై పోరాటంలో భాగంగా ప్రభుత్వాలకు, సినీ పరిశ్రమకు చెందిన రోజువారీ వేతన కార్మికులకు టాలీవుడ్ స్టార్స్ భారీగా విరాళాలు అందజేసిన విషయం తెలిసిందే. చిత్ర పరిశ్రమ నుంచి మొట్టమొదటిగా హీరో నితిన్ రూ.10 లక్షల చొప్పున ఏపీ, తెలంగాణ సీఎంల రిలీఫ్ ఫండ్కు విరాళం ఇచ్చారు. ఆ తరవాత పవన్ కళ్యాణ్ కేంద్ర ప్రభుత్వానికి కోటి రూపాయలు, రెండు రాష్ట్ర ప్రభుత్వాలకు కలిపి కోటి రూపాయలు ఇచ్చిన సంగతి తెలిసిందే. ఇక అక్కడి నుంచి విరాళా ప్రవాహం ప్రారంభమైంది. ప్రభాస్, చిరంజీవి, రామ్ చరణ్, మహేష్ బాబు, ఎన్టీఆర్, దర్శకులు త్రివిక్రమ్, అనిల్ రావిపూడి ఇలా చాలా మంది విరాళాలు ఇచ్చారు. ప్రకాష్ రాజ్, రాజశేఖర్, శివాజీరాజా వంటి వాళ్లు స్వచ్ఛందంగా సినీ కార్మికులకు ఆర్థిక, నిత్యావసరాల సాయం చేశారు. అయితే, తనతోపాటు విరాళాలు ఇచ్చిన సినీ ప్రముఖులందరినీ ప్రస్తావిస్తూ పవన్ వరుస ట్వీట్లు చేశారు. ‘‘తెలుగు చలన చిత్ర పరిశ్రమ దాతృత్వానికి జేజేలు’’ అంటూ ప్రశంసల వర్షం కురిపించారు.
పెద్దన్నయ్య పెద్ద మనసు
‘‘సినిమా పరిశ్రమకు ఎటువంటి కష్టం వచ్చినా తక్షణమే స్పందించే నా పెద్ద అన్నయ్య శ్రీ చిరంజీవి గారు సినీ కార్మికుల కోసం కోటి రూపాయల విరాళాన్ని ప్రకటించినందుకు ఆయన తమ్ముడిగా గర్వపడుతున్నాను. సినిమా పరిశ్రమలోని 24 విభాగాలలోని ప్రతీ టెక్నీషియన్, ప్రతీ కార్మికుని శ్రమ తెలిసిన వ్యక్తి శ్రీ చిరంజీవి గారు. కరోనా దెబ్బతో ఉపాధి కల్పోయి సినిమానే నమ్ముకుని జీవిస్తున్న ఎందరో కార్మికులు, టెక్నీషియన్లు ఆర్థికంగా అల్లాడిపోతున్నారు. అటువంటి వారిని ఆదుకేడానికి పెద్దన్నగా ముందుకు వచ్చిన శ్రీ చిరంజీవి గారికి కృతజ్ఞతలు తెలియచేస్తున్నాను. ఆకలితో ఉన్నవారికి అన్నం పెట్టాలని నిర్ణయించుకున్న ఆయన దయార్ద్ర హృదయానికి జేజేలు పలుకుతున్నాను’’ అని పవన్ కళ్యాణ్ తన ట్వీట్లో పేర్కొన్నారు.
ప్రభాస్ పెద్ద మనసు
‘‘నాలుగు కోట్ల రూపాయల భూరి విరాళాన్ని ప్రకటించి శ్రీ ప్రభాస్ తన పెద్ద మనస్సును చాటుకున్నారు. సమాజ క్షేమం గురించి ఆలోచించే శ్రీ మహేష్ బాబు కోటి రూపాయలు ఇచ్చి సమాజం పట్ల తనకున్న ఆపేక్షను వ్యక్తం చేసారు. నా అన్న బిడ్డ శ్రీ రాంచరణ్... తండ్రి అడుగుజాడలలోనే పయనిస్తూ తనకంటూ ఒక సేవాభావాన్ని పెంపొందించుకుంటున్న శ్రీ రాంచరణ్ 75 లక్షల రూపాయల విరాళాన్ని ఇచ్చి యువతకు స్ఫూర్తిగా నిలిచాడు. మరో యువ శక్తి శ్రీ తారక్ (జూనియర్ ఎన.టి.ఆర్.) 70 లక్షల రూపాయల విరాళాన్ని ప్రకటించడం ముదావహం’’ అని పవన్ ప్రశంసించారు.
ప్రేమను చాటుకున్న అల్లు అర్జున్
‘‘తెలుగు రాష్ట్రాలకు ఎటువంటి విపత్తు వచ్చినా స్పందించే శ్రీ అల్లు అర్జున్ 1 కోటి 25 లక్షల రూపాయలను విరాళంగా అందించి ప్రజల పట్ల తన ప్రేమను చాటుకున్నాడు. సినిమా కుటుంబం నుంచి తొలి విరాళంగా 20 లక్షల రూపాయలను ఇచ్చిన శ్రీ నితిన్ను మెచ్చుకుని తీరవలసిందే. సినిమా హీరోగా నిలదొక్కుకుంటున్న శ్రీ సాయి ధర్మ తేజ్ 10 లక్షల రూపాయల విరాళాన్ని ప్రకటించి తన బాధ్యతను చాటుకున్నాడు’’ అని పవన్ కళ్యాణ్ కొనియాడారు. అలాగే, ప్రకాష్ రాజ్పై కూడా పవన్ ప్రశంసల వర్షం కురిపించారు.
వారికి అభినందనలు
‘‘సీనియర్ నటులు శ్రీ ప్రకాష్ రాజ్ గారు తన వద్ద పని చేస్తున్న ఉద్యోగులకు ముందుగానే జీతాలు ఇచ్చి, సినీ కార్మికుల కోసం కొంత మొత్తాన్ని కేటాయించడంతో పాటు వివిధ ప్రాంతాలకు చెందిన పదకొండు మందికి ఆశ్రయం ఇవ్వడం ఆయనలోని పెద్ద మనస్సుకు నిదర్శనం. అదే విధంగా తన చిత్రానికి పని చేస్తున్న 50 మంది సాంకేతిక నిపుణులు, కార్మికులకు 10 వేల రూపాయల చొప్పున తన నిర్మాత సతీష్ వేగేశ్నతో కలసి ఇచ్చిన హీరీ అల్లరి నరేష్, సినీ కార్మికుల కోసం ఐదు లక్షలు రూపాయలు అందించిన దర్శకుడు శ్రీ వి.వి.వినాయక్లను అభినందిస్తున్నాను’’ అని పవన్ మరో ట్వీట్లో పేర్కొన్నారు.
రాజశేఖర్ సాయం..
‘‘హీరో శ్రీ రాజశేఖర్, నటులు శ్రీ శివాజీ రాజా సినిమా కార్మికులకు కూరగాయలు, నిత్యావసర సరుకులు అందించడానికి ముందుకు వచ్చినందుకు అభినందనలు. మృదు స్వభావి, సృజనాత్మక దర్శకుడు శ్రీ త్రివికయ్ గారు 20 లక్షలు, సామాజిక స్పృహతో సినిమాలు తీసే శ్రీ కొరటాల శివ, శ్రీ అనిల్ రావిపూడి 10 లక్షల రూపాయల చొప్పున, అగ్ర నిర్మాతలలో ఒకరైన శ్రీ దిల్ రాజు 20 లక్షల రూపాయలు, సంగీత దర్శకుడు శ్రీ తమన్ 5 లక్షలు ప్రకటించినందుకు వారికి మనస్ఫూర్తిగా ధన్యవాదాలు తెలుపుతున్నాను’’ అని పవన్ కళ్యాణ్ అందరినీ ప్రస్తావించారు.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.