పవన్ ట్వీట్.. కత్తి మహేశ్ రిప్లై!

జనసేనాని పవన్ కల్యాణ్‌ను లక్ష్యంగా చేసుకుని కత్తి మహేశ్ చేస్తోన్న విమర్శలకు, ఆయన అభిమానుల ప్రత్యారోపణలతో సోషల్ మీడియా వేడెక్కుతోంది. ఈ నేపథ్యంలో, పవన్ తన ట్విట్టర్ ద్వారా స్పందించారు. 'వ్యక్తిత్వంలో నిన్ను ఓడించడం చేతకాని వాళ్లే... నీ కులం, ధనం, వర్ణం గురించి మాట్లాడతారు' అంటూ ట్వీట్ పోస్ట్ చేశారు. ఈ వాక్యాన్ని ఎవరు చెప్పారో తనకు తెలియదు గానీ, ఓ సీనియర్ గౌరవ జర్నలిస్ట్ తనను ఈ విధంగా నేటి ఉదయం తనను అభినందిస్తూ ట్వీట్ చేశారని, దీన్ని షేర్ చేసుకోవాలనిపించిందని తెలిపారు. ప్రస్తుత తరుణంలో అధికారమే పరమావధిగా సాగే రాజకీయాలు, కులాలు పరంగా విడిపోవడం ప్రమాద ఘంటికలను మోగిస్తోందని పవన్ అన్నారు. ఇది మన ఆర్థిక మందగమనానికి కారణమే కాదు, మన సమాజానికి అత్యంత హాని కలగజేస్తుందని అన్నారు.

వ్యక్తిత్వంలో నిన్ను ఓడించడం చేతకాని వాళ్లు..నీ కులం, ధనం, వర్ణం గురించి మాట్లాడతారు.(Dont know who said it but a respectable & senior journalist has greeted me today morning with the above quote.Felt like sharing.Good day! — Pawan Kalyan (@PawanKalyan) January 6, 2018
పవన్ చేసిన ఈ ట్వీట్ పట్ల సినీ క్రిటిక్ కత్తి మహేష్ అదే స్థాయిలో స్పందించాడు. 'ధనం, వర్ణం, కులం గురించి మాట్లాడుతున్నది నీ ఫ్యాన్స్, ఫ్రెండ్స్, గర్ల్ ఫ్రెండ్... నేను కాదు' అంటూ తీవ్ర స్థాయిలో కామెంట్ చేశారు. కాబట్టి పెట్టే గడ్డి ఏదో వాళ్లకే పెట్టాలంటూ సూచించారు.

ఇక వ్యక్తిత్వం విషయానికి వస్తే దాని గురించి నీవు మాట్లాడకపోతేనే బెటర్ అంటూ ఎద్దేవా చేశారు. 'అనవసరంగా కడుపు చించుకుంటే... కాళ్ల మీద పడుతుంది, జాగ్రత్త' అంటూ ఫేస్‌బుక్‌లో స్పందించారు. ఈ కామెంట్‌పై ఓ నెటిజిన్ ప్రశ్నిస్తూ 'మీలో మీరు మాట్లాడుకుంటున్నారా?' అన్నారు... పవన్ కల్యాణ్ చేసిన ట్వీట్‌కు సమాధానం ఇచ్చానంటూ కత్తి స్పష్టం చేశారు.

అజ్ఞాతవాసి సినిమాపై కూడా కత్తి మహేశ్ విమర్శలు గుప్పించాడు. ప్రీమియర్లు విచ్చలవిడిగా వేసుకోవచ్చు... టికెట్ రేట్లు పెంచుకోవచ్చు. అదనపు ఆటలకు కూడా అనుమతి... ప్రజల డబ్బులు ఘరానాగా దోచుకునే ప్లాన్ రెడీ అంటూ వ్యాఖ్యలు చేశాడు. పవన్ కళ్యాణ్ సలాం ఒకరికి, గులాంగిరి మరొకరి చేసి సాధించుకున్న హక్కులు ఇవి... కానీ పాపం, త్రివిక్రమ్ సినిమాని కాపీకొట్టి ఇబ్బందులపాలు చేశాడని వినికిడి అని ఆరోపించారు. టి.సిరీస్ వేసిన కేసుతో ట్రైలర్ రిలీజ్ చెయ్యలేక... సినిమాకు కోర్టులో ఎలాంటి ఇబ్బందులు వస్తాయో తెలియక సతమతం అవుతున్న నిర్మాత... చాలా బాధాకరమైన వార్త. కానీ ఏం చేద్దాం! అప్పుడప్పుడు బాధ కూడా మంచిదే! అని వ్యంగ్యాస్త్రాలు సంధించాడు.