పవన్‌ కల్యాణ్‌కు సోదరుల సమస్య !

పవన్ కల్యాణ్‌కు సోదరుల సమస్య ఏంటి అనుకుంటున్నారా..? అది నిజ జీవితంలో కాదండీ.. సినిమాలో.. పవన్ కల్యాణ్ హీరోగా డాలీ దర్శకత్వంలో 'కాటమరాయుడు' సినిమా రూపొందుతోన్న సంగతి తెలిసిందే. ఈ సినిమాలో పవన్‌కు సోదరులుగా నాలుగు ముఖ్యమైన పాత్రలు ఉన్నాయట.
ఈ పాత్రల కోసం యువ నటులను సంప్రదించగా.. పవన్ సినిమా అనగానే చాలా మంది హీరోలు ముందుకొచ్చారు. అయితే దానికోసం 50 రోజుల బల్క్ డేట్స్‌ను అడిగారాట డైరెక్టర్. దీంతో డేట్స్ అడ్జస్ట్ చేయలేని కారణంగా వారంతా తప్పుకున్నారు. నటుడు కమల్ కామరాజు మాత్రం అడిగిన వెంటనే డేట్స్‌ను కేటాయించి పవన్ నలుగురి సోదరుల్లో ఒకరిగా ఫైనల్ అయ్యారు. మిగిలిన వారి కోసం దర్శకనిర్మాతలు వెతుకుతున్నారు. నిజానికి తమిళంలో వచ్చిన 'వీరం' చిత్రానికి ఇది రీమేక్.. కానీ దర్శకనిర్మాతలు ఆవిషయాన్ని వెల్లడించకుండా గోప్యంగా ఉంచుతున్నారు. ఈ సినిమాలో పవన్ సరసన శృతిహాసన్ నటిస్తున్నారు.