పవర్స్టార్ పవన్ కళ్యాణ్ నటిస్తున్న ‘పింక్’ రీమేక్లో ఆయన మాజీ భార్య రేణు దేశాయ్ నటించనున్నట్లు ఎప్పటి నుంచో వార్తలు వస్తున్న సంగతి తెలిసిందే. దీనిపై తాజాగా రేణు స్పందించారు. ఇన్స్టాగ్రామ్లో ఓ నెటిజన్ అడిగిన ప్రశ్నకు బదులిచ్చారు.
Samayam Telugu16 Feb 2020, 10:23 am
పవర్స్టార్ పవన్ కళ్యాణ్ నటిస్తున్న ‘పింక్’ రీమేక్లో ఆయన మాజీ భార్య రేణు దేశాయ్ నటించనున్నట్లు ఎప్పటి నుంచో వార్తలు వస్తున్న సంగతి తెలిసిందే. దీనిపై తాజాగా రేణు స్పందించారు. ఇన్స్టాగ్రామ్లో ఓ నెటిజన్ అడిగిన ప్రశ్నకు బదులిచ్చారు.
పవన్కు కీలకమైన సినిమా
బాలీవుడ్లో బ్లాక్ బస్టర్ విజయం అందుకున్న ‘పింక్’ సినిమాను తమిళంలో ‘నేర్కొండ పార్వాయ్’ టైటిల్తో రీమేక్ చేసారు. ఈ సినిమా అక్కడ కూడా మంచి హిట్ అందుకుంది. అందుకే తెలుగులోనూ రీమేక్ చేయాలని నిర్ణయించుకున్నారు. ఈ సినిమాకు పవన్ అయితే న్యాయం చేయగలరని ఆయన్ను ప్రాజెక్ట్లో తీసుకున్నారు. పవన్కు ఈ సినిమా చాలా కీలకం అనే చెప్పాలి.
ఫాస్ట్గా జరిగిపోతున్న షూటింగ్
ఈ సినిమా షూటింగ్ చాలా ఫాస్ట్గా జరిగిపోతోంది. నిర్మాత దిల్ రాజు పవన్ కళ్యాణ్ కోసం ఓ స్పెషల్ ఫ్లైట్ వేసారు. ఈ ఫ్లైట్లోనే పవన్ రోజూ సెట్స్కి వచ్చి వెళ్తున్నారు. అలా సింగిల్ షాట్స్లో చకచకా షూటింగ్స్ చేసుకుని వెళ్లిపోతున్నారు.
టైటిల్ అదేనా
ఇకపోతే పింక్ రీమేక్కు టైటిల్ ఇంకా కుదరలేదు. లాయర్ సాబ్, లేదా వకీల్ సాబ్ అనే రెండు టైటిల్స్ పరిశోధనలో ఉన్నాయి. మరి ఏ టైటిల్ సినిమాకు కన్ఫర్మ్ చేస్తారన్నది తెలియాల్సి ఉంది.
ఆ ముగ్గురు అమ్మాయిలు ఎవరో
పింక్ రీమేక్లో పవన్ కళ్యాణ్ లాయర్ పాత్రలో కనిపించనున్న సంగతి తెలిసిందే. అయితే ఆయనతో పాటు సినిమాలో మరో ముగ్గురు అమ్మాయిల పాత్రలు ఇంకా కీలకం. ఆ ముగ్గురు అమ్మాయిల్లో ఒకరి పాత్రను ప్రగ్యా జైశ్వాల్కు ఇచ్చినట్లు తెలుస్తోంది. సినిమాలో ఈమెది తాప్సి పాత్ర అంటున్నారు.
పింక్ రీమేక్లో రేణూ
అయితే పింక్ రీమేక్ షూటింగ్ మొదలైన రెండు నెలల్లోనే ఓ ఆసక్తికరమైన రూమర్ బయటికి వచ్చింది. సినిమాలో పవన్ మాజీ భార్య రేణూ దేశాయ్ కూడా నటిస్తున్నారు అని వార్తలు వచ్చాయి. అయితే దీనిపై తనంతట తానే రేణూ దేశాయ్ స్పందించలేదు. తాజాగా.. ఇన్స్టాగ్రామ్లో రేణు ఓ ఫొటో పోస్ట్ చేయడంతో ఓ పవన్ అభిమాని ఇదే సరైన సమయం అనుకుని ‘వదినమ్మా మీరు పింక్ రీమేక్లో నటిస్తున్నారంట నిజమేనా?’ అని ప్రేమగా అడిగాడు. ఇందుకు రేణూ స్పందిస్తూ.. ‘లేదండీ ఫాల్స్ న్యూస్’ అని క్లారిటీ ఇచ్చేసారు.
ఆగని లీకుల బెడద
పవన్ కళ్యా్ణ్తో సినిమా, బోనీ కపూర్, దిల్ రాజు లాంటి బడా నిర్మాతలు సినిమాను నిర్మిస్తున్నారు. అలాంటప్పుడు సినిమా షూటింగ్ సమయంలో ఎన్నో జాగ్రత్తలు తీసుకోవాల్సి ఉంటుంది. ఇప్పటివరకు ఈ సినిమా షూటింగ్కి సంబంధించి రెండు సన్నివేశాలు బయటికి వచ్చాయి. ఏకంగా పవన్ చెప్పే కీలకమైన డైలాగ్ కూడా లీకైపోయింది.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.