పెళ్లయ్యాక ఎంత మార్పు...

పెళ్లయితే ఆడవాళ్లు మారిపోతారు. వారు భూమ్మీద ఎక్కడ పుట్టిన వాళ్లయినా ఐమీన్ ఏ దేశం వాళ్లయినా ఒకటే. రాజీవ్ గాంధీని పెళ్లి చేసుకున్న సోనియాగాంధీ కట్టు బొట్టు తీరు చూస్తే మనవాళ్లు ఎందుకు పనికిరారు. అచ్చమైన భారతీయత ఉట్టిపడేలా డ్రస్సింగ్ ఉంటుంది. సినిమా వాళ్లలో కూడా జ్యోతిక, ఖష్బూ మొదలైన తారలు తమిళ చిత్ర పరిశ్రమకు చెందిన వాళ్లను పెళ్లి చేసుకున్నాక వాళ్లను చూస్తే ఎవరూ ఉత్తరాదివాళ్లని అనుకోరు. మన దగ్గరా హీరో పవన్ కల్యాణ్ రష్యన్ యువతి అన్నా లెజ్నోవాను మూడవ పెళ్లి చేసుకున్నారు. ఆ తరువాత ఆమె బయట ఎక్కడా కనబడింది లేదు.
నాగబాబు ఇంటికి పెళ్లయిన కొత్తలో పవన్ ఆమెను తీసుకెళ్లి పరిచయం చేశారంతే. చిరంజీవి ఇంటికైతే అదీ లేదు. ఇటీవల చిరు ఇంట్లో శ్రీజ పెళ్లి ఘనంగా జరిగింది. దానికి పవన్ షూటింగ్ వల్ల రాలేకపోవటంతో ఆయన భార్య హాజరయ్యారు. ఆమెను చూస్తే ఎవరూ విదేశీ యువతి అనుకోరు. అంతగా భారతీయత ఉట్టిపడేలా కనిపించారు. అప్పుడే కాదు పెళ్లయ్యాక ఆమె ఇలాగే ఉంటున్నారని కూడా తెలిసిన వాళ్లు అంటున్నారు. కాటన్ చీరలు,బొట్టుతో భారతీయత ఉట్టిపడేలా ఉంటుందట.