రేణు దేశాయ్‌ని కలిసిన పవన్‌ కల్యాణ్

పవర్ స్టార్ పవన్ కల్యాణ్ తన మాజీ భార్య రేణు దేశాయ్‌ని కలిశారు. కూతురు ఆద్య పుట్టిన రోజు సందర్భంగా రేణు దేశాయ్‌తో కలిసి పుణెలోని ఆద్య స్కూల్‌కి వెళ్లిన పవన్ కల్యాణ్ అక్కడ పాపతో కేక్ కట్ చేయించారు. పవన్ కల్యాణ్ నటించిన కాటమరాయుడు సినిమా శుక్రవారం ప్రేక్షకుల ముందుకు వచ్చింది. ఒకవైపు ఈ సినిమా రిలీజ్ వ్యవహారాలు చూస్తూనే.. వీలు కల్పించుకుని పవన్ పుణె వెళ్లినట్లు తెలుస్తోంది.

ఆద్య పుట్టిన రోజు వేడుకకి పవన్ కల్యాణ్ హాజరైనట్లు రేణు దేశాయ్ స్వయంగా సోషల్ మీడియా ద్వారా అభిమానులతో పంచుకున్నారు.. ‘పిల్లలకి తల్లిదండ్రులు ఇచ్చే నిజమైన బహుమతి.. వారి పుట్టినరోజులప్పుడు దగ్గరగా ఉండటమే. ఆద్య‌కి మంచి జరగాలని ఆశీర్వదించిన శ్రేయోభిలాషులు అందరికీ ధన్యవాదాలు’ అంటూ రేణు దేశాయ్ చెప్పుకొచ్చారు. ఇటీవల ఓ ఇంటర్వ్యూలో కూడా పవన్ ‌కల్యాణ్ ఇప్పటికీ తనకు టచ్‌లోనే ఉన్నారని రేణు దేశాయ్ వెల్లడించిన విషయం తెలిసిందే.