57 గంటలు 5 మిలియన్లు ‘రాయుడు కుమ్ముడు’

కాటమరాయుడు టీజర్ సునామీ ఆగడంలేదు. ప్రతి గంటకు రికార్డుల మోత మోగిస్తూ... ‘నేను ట్రెండ్‌ని ఫాలోకాను సెట్ చేస్తా.. ఓరి సాంబో రాస్కోరా.. నా రికార్డ్స్ బ్రేకింగ్స్’ అని పవన్ యూట్యూబ్‌లో సెన్సేషన్ క్రియేట్ చేస్తున్నాడు.

నాలుగు గంటల్లోనే 1 మిలియన్ వ్యూస్, పదిహేను గంటల్లోనే రెండు మిలియన్ వ్యూస్, 24 గంటలు పూర్తయ్యే సరిగా 3 మిలియన్ వ్యూస్, ఒక్క రోజులో 150వేల లైక్స్... అంతటితో ‘కాటమరాయుడు’ టీజర్ క్రియేట్ చేస్తోన్న పవన్ పవనాలు హోరు ఆగలేదు.

యూట్యూబ్‌లో పెట్టిన యాభై ఏడు గంటల్లోనే యాభై లక్షల వ్యూస్‌ తెచ్చుకున్న కొత్త రికార్డ్‌ని క్రియేట్ చేసింది. గత రెండు రోజుల నుండి యుట్యూబ్ లో ఈ టీజరే టాప్ ప్లేస్ లో ట్రెండ్ అవుతోంది. అందుకే ఇంత సులభంగా జస్ట్ రెండు రోజులు పూర్తయిన మరి కొన్ని గంటల్లోనే 5 మిలియన్ వ్యూస్ వచ్చేశాయి. పవన్ క్రేజ్ పతాక స్థాయిలో ఉందని చెప్పడానికి ఇదొక ఎగ్జాంపుల్ మాత్రమే అసలు సినిమా ముందుంది అంటూ పవన్ ఫ్యాన్స్ పండగ చేసుకుంటున్నారు.