'దండుపాళ్యం 3': నగ్న దృశ్యాలు మిగిలే ఉన్నాయ్

యదార్ధ సంఘటనల ఆధారంగా తెరకెక్కిన చిత్రం దండుపాళ్యం. 2012లో బీగ్రేడ్ సినిమాగా విడుదలై సంచలన విజయం సాధించింది. బొమ్మాళి రవిశంకర్‌, పూజాగాంధీ, మకరంద్‌ దేశ్‌పాండే, రవికాలే ప్రధాన తారాగణంగా శ్రీనివాసరాజు దర్శకత్వంలో రూపొందిన 'దండుపాళ్యం' తెలుగు, కన్నడ భాషల్లో ఘనవిజయం సాధించి కలెక్షన్ల పరంగా రికార్డులు సృష్టించింది. ఆ చిత్రానికి సీక్వెల్‌గా ఇటీవల విడుదలైన 'దండుపాళ్యం2' కూడా రెండు భాషల్లోనూ ఆకట్టుకుంది. దండుపాళ్యం 2 సినిమాకు విడుదలకు ముందు కొన్ని నగ్న దృశ్యాలు సోషల్ మీడియాలో వైరల్ అయ్యాయి. అత్యంత దారుణంగా ఉన్న ఈ సీన్లలో సంజన ఒంటిపై నూలు పోగుకూడా లేకుండా నటించడంతో ఈ సినిమాపై హైప్ క్రియేట్ అయ్యింది.

తాజాగా 'దండుపాళ్యం' సీక్వెల్స్‌లో భాగంగా ఇప్పుడు 'దండుపాళ్యం3' రాబోతోంది. ఆర్‌4 ఎంటర్‌టైన్‌మెంట్స్‌ పతాకంపై శ్రీనివాసరాజు దర్శకత్వంలో రజని తాళ్ళూరి నిర్మిస్తున్న 'దండుపాళ్యం3' షూటింగ్‌ పూర్తి చేసుకొని పోస్ట్‌ ప్రొడక్షన్‌ వర్క్‌ జరుగుతోంది. కాగా, ఈ చిత్రానికి సంబంధించిన ప్రచార చిత్రాలను, మోషన్‌ పోస్టర్‌ను సోమవారం విడుదల చేశారు. అన్ని కార్యక్రమాలు పూర్తి చేసి త్వరలోనే చిత్రాన్ని విడుదల చేసేందుకు సన్నాహాలు చేస్తున్నారు చిత్రయూనిట్.