Pooja Hegde: రాధేశ్యామ్ నుంచి మరో సర్‌ప్రైజ్.. ప్రభాస్ బర్త్ డేకి ముందే! పూజా హెగ్డే క్లారిటీ

ప్రభాస్ హీరోగా తెరకెక్కుతున్న `రాధేశ్యామ్‌` మూవీ నుంచి మరో సర్‌ప్రైజ్ రాబోతోందంటూ ఓ వీడియో పోస్ట్ చేసింది హీరోయిన్ పూజా హెగ్డే. రేపే.. ప్లీజ్ వెయిట్ అంటూ ఆసక్తి రేకెత్తించింది.

Samayam Telugu 20 Oct 2020, 10:14 pm

యంగ్ రెబల్ స్టార్ ప్ర‌భాస్ హీరోగా రాబోతున్న భారీ బడ్జెట్ మూవీ `రాధేశ్యామ్‌`. జిల్ ఫేమ్ రాధాకృష్ణ‌ కుమార్ దర్శకత్వం వహిస్తున్న ఈ సినిమాలో ప్రభాస్ సరసన పూజా హెగ్డే హీరోయిన్‌గా నటిస్తోంది. ఓ వైపు మూవీ షూటింగ్ చేస్తూనే మరోవైపు చిత్ర ప్రమోషన్స్ నిర్వహిస్తున్న చిత్ర యూనిట్.. అక్టోబర్ 23వ తేదీన ప్రభాస్ పుట్టిన రోజు కానుకగా ఈ మూవీ మోషన్ పోస్టర్ రిలీజ్ చేస్తున్నట్లు ప్రకటించిన సంగతి తెలిసిందే. అయితే అంతకంటే ముందే మరో పెద్ద సర్‌ప్రైజ్ ఉందని పేర్కొంటూ తాజాగా ఓ వీడియోను పోస్ట్ చేసింది పూజా హెగ్డే.

రాధేశ్యామ్ నుంచి మరో సర్‌ప్రైజ్.. ప్రభాస్ బర్త్ డేకి ముందే! — Pooja Hegde

''హాయ్.. నేను రాధేశ్యామ్ సెట్‌లో ఉన్నాను. రేపు మీ కోసం పెద్ద సర్‌ప్రైజ్ రాబోతోంది. అప్ప‌టి వ‌ర‌కు వేచి ఉండండి'' అంటూ షూటింగ్ స్పాట్‌లో తీసిన వీడియోను తన ఇన్‌స్టాగ్రామ్‌లో పోస్ట్ చేసింది పూజా. దీంతో యంగ్ రెబల్ స్టార్ బర్త్ డేకి రెండు రోజుల ముందే ఇవ్వబోయే ఆ బిగ్ సర్‌ప్రైజ్ ఏమై ఉంటుందనే ఆలోచనలో పడ్డారు ఆయన ఫ్యాన్స్.

Also Read: సుడిగాలి సుధీర్‌‌కి కరోనా! హోమ్ క్వారంటైన్‌లో కమెడియన్.. రష్మీ పైనే అందరి కన్ను

కృష్ణంరాజు సమర్పణలో యువీ క్రియేషన్స్‌, టీ సిరీస్‌ బ్యానర్స్‌పై ఓ పీరియాడికల్ లవ్ స్టోరీగా ఈ సినిమా రూపొందుతోంది. కరోనా కారణంగా గత కొన్ని నెలలుగా షూటింగ్ నిలిపివేసిన యూనిట్.. ప్రస్తుతం‌ ఇటలీలో మిగిలిన భాగం షూటింగ్ చేస్తోంది. ఈ సినిమాపై ప్రభాస్ అభిమానులు భారీ అంచనాలు పెట్టుకున్నారు. ఇప్పటి వరకు విడుదలైన అన్ని అప్‌డేట్స్ సినిమాపై మరింత హైప్ క్రియేట్ చేశాయి. అతిత్వరలో సినిమాకు ప్రేక్షకుల ముందుంచాలని ప్లాన్ చేస్తున్నారు దర్శకనిర్మాతలు.

Pooja Hegde: రాధేశ్యామ్ నుంచి మరో సర్‌ప్రైజ్.. ప్రభాస్ బర్త్ డేకి ముందే! పూజా హెగ్డే క్లారిటీ

తరవాత కథనం