Pawan Kalyan: గాడ్ ఫాదర్ మూవీ ప్రీ రిలీజ్ ఈవెంట్.. చీఫ్ గెస్ట్‌గా పవన్ కళ్యాణ్..?

మెగాస్టార్ చిరంజీవి (Chiranjeevi) హీరోగా పొలిటిక‌ల్ బ్యాక్ డ్రాప్‌లో తెరకెక్కిన మూవీ 'గాడ్ ఫాదర్' (God Father). మలయాళ సూపర్ హిట్ మూవీ 'లూసిఫర్' (Lucifer) కు ఇది రీమేక్ కాగా.. మోహన్ రాజా దర్శకత్వం వహిస్తున్నాడు. బాలీవుడ్ స్టార్ సల్మాన్‌ ఖాన్, నయనతార, సత్యదేవ్, సునీల్, యాంకర్ అనసూయ, స్టార్ డైరెక్టర్ పూరి జగన్నాథ్‌ కీలక పాత్రలు పోషిస్తున్న విషయం తెలిసిందే. సూపర్ గుడ్ ఫిల్మ్స్, కొణిదెల ప్రొడక్షన్స్ సంయుక్తంగా ఈ మూవీని నిర్మిస్తున్నాయి. ఇటీవల చిరంజీవి బర్త్ డే సందర్భంగా రిలీజ్ చేసిన టీజర్‌కు మంచి రెస్పాన్స్ వస్తోంది.

తాజాగా గాడ్ ఫాదర్ సినిమాకు సంబంధించి ఓ ఇంట్రెస్టింగ్ రూమర్ చక్కర్లు కొడుతోంది. ఈ మూవీ ప్రీ రిలీజ్ ఈవెంట్‌కు పవర్ స్టార్ పవన్ కళ్యాణ్ (Pawan Kalyan) చీఫ్ గెస్ట్‌గా హాజరవుతున్నారని టాక్ వస్తోంది. గతంలో సైరా నరసింహారెడ్డి మూవీ ప్రీరిలీజ్ ఈవెంట్‌కు కూడా పవన్ ముఖ్య అతిథిగా హాజరైన విషయం తెలిసిందే. ఇప్పుడు మరోసారి అన్నదమ్ములు ఇద్దరు ఒకే వేదికపై కలిసే అవకాశం ఉందని ఇండస్ట్రీలో చర్చించుకుంటున్నారు. ఇదే నిజమైతే మెగా అభిమానులకు పండగే అని చెప్పొచ్చు.

ఆచార్య వంటి డిజాస్టర్ మూవీ తరువాత చిరంజీవి బిగ్ స్క్రీన్‌పై మళ్లీ సందడి చేయనున్నారు. ఆ సినిమా ఫ్లాప్ కావడంతో ఈసారి ఎలాగైన ఫ్యాన్స్‌కు హిట్ ఇచ్చి ట్రీట్ ఇవ్వాలని చూస్తున్నారు. గాడ్ ఫాదర్ మూవీలో చిరు డిఫరెంట్ గెటప్‌లో కనిపిస్తున్నారు. టీజర్‌లో ఆయన రాజసం ఉట్టి పడింది. బాసులకే బాసు.. మన గాడ్ ఫాదర్ అనే డైలాగ్ మెగా ఫ్యాన్స్‌కు తెగనచ్చేసింది. భారీ అంచనాల నడుమ రానున్న ఈ సినిమా ఏ మేరకు అంచనాలను అందుకుంటుందో చూడాలి మరి.