రీమేక్‌ సినిమాతో రీ ఎంట్రీ?
పవన్‌ రీ ఎంట్రీకి ఓ మెసేజ్‌ ఓరియంటెడ్‌ రీమేక్‌ సినిమా అయితే కరెక్ట్ అని భావిస్తున్నారు. ఇటీవల రామ్‌ చరణ్‌ మలయాళ సూపర్‌ హిట్ లూసీఫర్‌ రీమేక్‌ హక్కులు సొంతం చేసుకున్నాడు. అయితే ఈ సినిమా పవన్‌ హీరోగా రీమేక్‌ చేస్తున్నారని పెద్ద ఎత్తున ప్రచారం జరిగింది. కానీ మెగా ఫ్యామిలీ ఆ వార్తలను ఖండించింది. లూసీఫర్‌ రీమేక్‌ హక్కులు తీసుకున్న మాట వాస్తవమే అయినా.. అది ఎవరితో తెరకెక్కించాలన్న విషయం ఇంకా నిర్ణయించలేదని మెగా హీరోగా రామ్‌ చరణ్‌ క్లారిటీ ఇచ్చాడు.
Also Read: RRR అప్‌డేట్‌.. అలియాను పంపేసిన జక్కన్న
ప్రీ ప్రొడక్షన్‌ పనుల్లో పింక్‌ రీమేక్‌
అమితాబ్ బచ్చన్‌ ప్రధాన పాత్రలో తెరకెక్కిన బాలీవుడ్‌ మూవీ పింక్‌ ఘనవిజయం సాధించిన సంగతి తెలిసిందే. అదే సినిమాను కోలీవుడ్‌లో అజిత్ హీరోగా రీమేక్‌ చేస్తే అక్కడ కూడా మంచి విజయం సాధించింది. ఇప్పుడు అదే కథను పవన్‌ కళ్యాణ్ హీరోగా తెలుగులో రీమేక్‌ చేసేందుకు ప్రయత్నాలు జరుగుతున్నాయి. వేణు శ్రీరామ్‌ దర్శకత్వంలో దిల్‌ రాజు, బోనీ కపూర్‌లు సంయుక్తంగా ఈ రీమేక్‌ను నిర్మించే ప్లాన్‌లో ఉన్నారు. ఇప్పటికే ప్రీ ప్రొడక్షన్‌ కార్యక్రమాలు కూడా ప్రారంభమయ్యాయన్న ప్రచారం జరుగుతోంది.
పింక్‌ రీమేక్‌ వద్దంటున్న పవన్‌
అయితే పవన్‌ మాత్రం పింక్‌ రీమేక్‌పై అంతగా ఆసక్తిగా లేడన్న టాక్‌ వినిపిస్తోంది. సందేశాత్మక కథతోనే రీఎంట్రీ ఇవ్వాలని భావిస్తున్న పవన్‌, పొలిటికల్‌ థ్రిల్లర్‌ అయితే తన పొలిటికల్‌ కెరీర్‌కు కూడా ప్లస్‌ అవుతుందని భావిస్తున్నాడట. అందుకే అలాంటి కథలతో రావాలని దర్శక నిర్మాతలను కోరుతున్నాడన్న ప్రచారం జరుగుతోంది. అయితే ప్రస్తుతానికి పవన్‌కు అలాంటి కథ ఏది దొరకలేదు. దీంతో పవన్‌ సిల్వర్‌ స్క్రీన్‌ రీ ఎంట్రీపై ఇంకా సస్పెన్స్‌ కొనసాగుతోంది.
Also Read: రిలీజ్‌కు ముందే నెట్‌లో హీరో ఇంట్రడక్షన్ సీన్‌.. వీడియో వైరల్